Татарстанда «Югары социаль нәтиҗәлелекнең Россия оешмасы» Бөтенроссия конкурсының республика этабы уза
Татарстан Республикасы Халыкны эш белән тәэмин итү һәм социаль яклау министрлыгы ел саен уздырыла торган «Югары социаль нәтиҗәлелекнең Россия оешмасы» Бөтенроссия конкурсының республика этабын үткәрә. Конкурсның төп бурычы – социаль бурычларны хәл итүдә югары нәтиҗәлелеккә ирешүче оешмаларны табу, аларның тәҗирбәсен өйрәнү һәм тарату, оешмаларда социаль партнерлык рәвешләрен үстерү.
Конкурста, барлык оешу-хокукый һәм милек рәвешләрендәге һәм икътисадый эшчәнлек алып баручы Россия юридик оешмалары, шулай ук аларның филиаллары катнаша ала.
2018 елда конкурс җитештерү һәм җитештерүгә карамаган оешмаларда 16 номинация буенча уза: эш урыннары булдыру һәм арттыру, җитештерүдә имгәнүләрне киметү һәм һөнәри авыруларны киметү; кадрлар резервын арттыру; сәламәт тормыш рәвешен булдыру; социаль партнерлыкны үстерү, югары социаль нәтиҗәлелекне урыннарда оештыру; территорияләрнең социаль проблемаларын хәл итүдә катнашу һәм корпоратив хәйриячелекне үстерү; гаиләле хезмәткәрләргә иң яхшы шартлар тудыру; бердәнбер гамәлгә куючысы инвалидларның гомумроссия иҗтимагый оешмасы булган оешмаларда һәм предприятиеләрдә инвалидларны эшкә урнаштыру.
Конкурста катнашуга АПК оешмаларыннан гаризалар Татарстан Республикасы Авыл хуҗалыгы һәм азык-төлек министрлыгы тарафыннан 2018 елның 1 августына кадәр алына. Конкурста катнашу шартлары һәм аны уздыру тәртибе турында тулырак мәгълүмат белән Татарстан Республикасы Халыкны эш белән тәэмин итү һәм социаль яклау министрлыгы сайтында танышырга мөмкин: (http://mtsz.tatarstan.ru/rus/informatsiya-o-provedenii-vserossiyskogo-konkursa-2846417.htm).