Республика хуҗалыкларында 170 бер. сугару техникасы эшкә җәлеп ителгән
«Татмелиоводхоз» идарәсе” ФДБУ белешмәләре буенча, агымдагы елда республиканың авыл хуҗалыгы оешмаларында һәм крестьян-фермер хуҗалыкларында 346 су сиптерү техникасы исәпләнә, шулардан - 227 машина барабанлы һәм 119 машина тәгәрмәч тибында.
2018 елның 3 июленә республика хуҗалыкларында 8 мең гектар авыл хуҗалыгы культуралары җирләрен сугаруга 170 бер. техника җәлеп ителгән, шул исәптән 230 гектар мәйданда күпьеллык җиләк-җимеш үсентеләрен тамчылы сугару көйләнгән.
Гомумән алганда, 2018 елда бөртекле һәм кузаклы культуралар (2,1 мең га), майлы культуралар (0,5 мең га), бәрәңге (4,3 мең га), яшелчәләр (2,0 мең га), азык культуралары (2,8 мең га) һәм җиләк-җимеш культуралары (0,5 мең га) биләгән 13 мең гектарга якын чәчүлек мәйданын сугару планлаштырыла.
Бүгенге көнгә Апас, Биектау, Зеленодольск һәм Нурлат муниципаль районнарында 11 сугару системасына төзекләндерү таләп ителә, калганнары – төзек, эшли торган халәттә.