Татарстан Республикасы Апас муниципаль районының «Свияга» АХП» ҖЧҖендә бар куәткә терлек азыгы әзерлиләр
Татарстан Республикасы Апас муниципаль районының «Свияга» АХП» ҖЧҖенең “Карамасар” бүлекчәсендә бар куәткә терлек азыгы әзерлиләр. «Бүгенге көндә сенаж салабыз. Ике кеше яшел масса ташый, тагын икәү тыгызлап тора, – дип сөйләде бүлекчә җитәкчесе Дамир Сафин. – 1500 тонна сыйдырышлы базны өч көндә тутырырга уйлыйбыз».
Рәшит Хәлилов механизатор булып армиядән кайткач эшли башлый. «Мин ел әйләнәсе эштә – башта чәчүдә катнашам, аннары – терлек азыгы әзерлибез, шуңа өлгергән уңышны җыю тоташып китә. Кышын ферма территориясен чистарту белән мәшгуль», – дип сөйләде ул.
Рамил Әхмәтвәлиев үз «КамАЗ»ында 45 нче сезонны ачкан. «Бүген беренче сменада – иртәнге 6дан кичке 6га кадәр. Үлән сусыл, әйбәт, рәхәтләнеп эшлибез», – диде Рамил Әхмәтвәлиев.