Республиканың Әлмәт районында “Авыл” кооперативы киңәя
ТР Әлмәт муниципаль районында “Авыл” кооперативы киңәя. Бүгенге көндә аңа 17 кеше кергән. Аларның кайберләре Мәскәүдән, Санкт-Петербургтан, Ростова-Доннан, Самара өлкәсеннән эшләргә дип килгән. Кооператив әгъзаларының күпчелеге – татарстанлылар.
«Авыл хуҗалыгы белән шөгыльләнергә теләге булган һәркем бездә үзен күрсәтә ала. Бу, бигрәк тә, зур капиталы булмаганнарга кагыла. Кооперативта аларга техника сатып алуга һәм туфрак эшкәртүгә 6-7 миллион сум акча тотарга туры килми. Без техниканы үзебез сатып алдык һәм аны түбән бәяләрдән арендага бирәбез, – дип сөйли кооператив рәисе Никола Иветич. – Әмма кайбер кешеләр бер сезон эчендә үзләрен миллионер булалар дип беләләр. Бу - алай түгел. Моңа җитди карарга кирәк: биредә беренче көннән соңгы көнгә кадәр хәтәрлекләр бар, әлбәттә. Әгәр күңелең җиргә тартмый икән, моның белән шөгыльләнмәү хәерлерәк».
Быел кооператив әгъзалары җиләк-җимеш культуралары уңышын, шулай ук яшел тәмләткечләр – укроп, кинза, петрушка һәм яшел суган уңышын җыюны планлаштыралар. Исегезгә төшерәбез, «Овощная долина» (“Яшелчә аланы”) мәйданы 350 га тәшкил итә.
«Хәзер ритейлерлар белән сөйләшүләр алып барыла. Бу – кооператив әгъзалыгының тагын бер өстенлеге – җитештерүчеләргә сату урынын мөстәкыйль эзләргә туры килми, – дип билгеләп үтте Никола Иветич. – Узган ел 3 мең тонналык җиләк-җимешсаклагыч төзи башлаган идек. Июнь азагына ул төзелеп бетәчәк».