Казан базарларында авыл хуҗалыгы ярминкәләре узды

17 нче декабрьдә Казан базарларында чираттагы авыл хуҗалыгы ярминкәләре узды.

Башкала базарларына барлыгы 128 тонна бәрәңге, 91,2 тонна яшелчә, 60,2 тонна ит ризыклары, 73,5 тонна шикәр комы, 258,4 мең штук йомырка, 10,3 тонна карабодай ярмасы китерелде.

Халыкта карабодай, йомырка, сөт, сырга сорау зур иде.

Республика авыл хуҗалыгы җитештерүчеләре 25,1 миллион сумлык продукция алып килде. Моның өчен 445 машина җәлеп ителде.