Татарстан Республикасы Саба муниципаль районының “Юлбат” АХП” ҖЧҖ базасында 2018 елгы язгы чәчүгә әзерләнү мәсьәләләрен карадылар
Татарстан Республикасы Саба муниципаль районының “Юлбат” АХП” ҖЧҖендә 2018 елгы язгы чәчүгә әзерләнү мәсьәләләре буенча семинар-киңәшмә узды. Фикер алышуларда район башлыгы Рәис Миңнеханов, районның Авыл хуҗалыгы һәм азык-төлек идарәсе башлыгы Гафур Хәсәншин, авыл хуҗалыгы оешмалары җитәкчеләре һәм белгечләре катнашты.
Район хуҗалыкларында техниканы ремонтлауның торышы турындагы нотык белән район Авыл хуҗалыгы һәм азык-төлек идарәсенең җитештерү-марткетинг бүлеге башлыгы Раиф Харисов чыгыш ясады. Ул, районда тракторларның техник әзерлеге 85% тәшкил итә, диде, шул исәптән чәчкечләр – 96%, чәчү комплекслары – 69%. Запас частьләр 80 млн.сумлык алынган.
Семинар-киңәшмәнең практик өлеше “Юлбат” АХП” ҖЧҖенең машина-трактор паркы базасында узды. Чарада катнашучылар язгы кыр эшләренең планы һәм техниканы ремонтлауның барышы белән таныштылар.