Марат Әхмәтов Теләче муниципаль районы Советы утырышында катнашты
Бүген Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов Татарстан Республикасы Теләче муниципаль районында булып кайтты, ул анда район Советы утырышында катнашты. Утырыш районның 2017 елдагы социаль-икътисадый үсеш йомгакларына һәм 2018 елга бурычлар билгеләүгә багышланган иде.
Утырыш башланганчы министр осмотрел Теләче авылындагы «Теләче – Арена» физкультура-савыктыру комплексында булды. Бу - хоккей, шорт-трек һәм фигуралу шуу буенча уку-күнекмәләр уздыру өчен 2017 елның ноябрендә ачылган боз сарае.
Утырыш Теләче районы Мәдәният йортында узды, биредә фойеда Марат Әхмәтов авыл хуҗалыгы предприятиеләре һәм шәхси ярдәмче хуҗалыклар продукциясенең күргәзмәсе белән танышты.
Төп нотык белән район башлыгы Илдус Зарипов чыгыш ясады. Ул районның социаль-икътисадый торышы турында сөйләде, республика программаларының үтәлешенә йомгаклар ясады, тагын алдагы чорга бурычлар билгеләнү турында сөйләде.
Татарстан Республикасы Авыл хуҗалыгы һәм азык-төлек министрлыгы башлыгы Марат Әхмәтов үз чыгышында район эшенә уңай бәя бирде. «Биредә хезмәт сөючән һәм эшнең нәтиҗәле булуын теләп эшләүче кешеләр яши, – дип ассызыклады ул. – Моның бер дәлиле – фермер хуҗалыкларының һәм шәхси хуҗалыкларның үсүе. Шулай да, тукталып калырга ярамый, алга барырга кирәк. Минем уйлавымча, сездә әле файдаланылмаган резервлар күп, һәм сез республика күләмендә авыл хуҗалыгы буенча лидер-районнар унлыгына керә аласыз дип ышанам мин».
Утырыш азагында район алдынгыларына дәүләт һәм ведомство бүләкләре тапшырылды.