Татарстан Республикасы Авыл хуҗалыгы һәм азык-төлек министрлыгы башлыгы районнарны орлыкларга акча кызганмаска өндәде
Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов районнар җитәкчеләрен һәм хуҗалык башлыкларын орлыкларга акча кызганмаска өндәде. Бүген ул Татарстан Республикасы Хөкүмәте Йортында гадәттә уз торган республика киңәшмәсендә әйтте.
Барлык муниципаль районы районнар белән видеоконференция элемтәсе режимындагы киңәшмәне Татарстан Республикасы Президенты Рөстәм Миңнеханов үткәрде.
Киңәшмәдә Татарстан Республикасы Премьер-министрының беренче урынбасары Рөстәм Нигъмәтуллин катнашты.
«Тәҗрибәдән күренгәчә, репродукция белән уңыш арасында аерма гектардан 5 центнерга кадәр җитә, хәтта бер үк технологияне кулланганда да. Күпчелек хуҗалыклар, районнар моңа җитди игътибар бирәләр. Әмма оригиналь һәм элиталы орлыклар өлеше бик аз булган хуҗалыклар да», – диде Марат Әхмәтов.
Уңай мисал итеп Татарстан Республикасы Авыл хуҗалыгы һәм азык-төлек министрлыгы башлыгы Әтнә, Тәтеш, Нурлат һәм Кукмара районнарын китерде, аларда югары сыйфатлы чәчүлек материалы гомуми орлык күләменең өчтән бер яисә хәтта ике өлешен тәшкил итә. Ә менә Менделевск, Аксубай, Югары Ослан һәм Әгерҗе районнарында тик бу орлыклар – бары тик 4тән 7 процентка кадәр генә.
«Безнең республикада орлыкчылые системасы бар, моның белән Татарстанның авыл хуҗалыгы фәнни-тикшеренү институты, Россиянең селекция үзәкләре, Татарстан Республикасының орлыкчылык хуҗалыклары, авыл хуҗалыгы предприятиеләре шөгыльләнә», – диде министр.
Аның әйтүенчә, сыйфатлы авыл хуҗалыгы культуралары орлыклары белән тәэмин итүдә проблемалар юк. Безгә читтән бары тик кукуруз, көнбагыш һәм шикәр чөгендере орлыкларын гына сатып алырга туры килә. Шул ук вакытта кайбер авыл хуҗалыгы предприятиеләре иң арзан орлыклар сатып алып, акчаны янга калдырырга тырышалар һәм шуңа тиң уңыш җыялар. Марат Әхмәтов бу юнәлештә шундый хаталар җибәрмәскә тәкъдим итте.