Чаллыда яңа ел бәйрәмнәре алдыннан “Яңа ел казы” ярминкәләре узачак

Чаллыда яңа ел бәйрәмнәре алдыннан “Яңа ел казы” ярминкәләре узачак. Ярминкәләр 16, 17, 23 һәм 24 декабрь көннәрендә Шамил Усманов урамындагы “Төзүче” стадионы янәшәсендәге мәйданчыкларда узачак.

Аларда кош ите, сыер, сарык, дуңгыз итләре сатылачак.

Искәртеп узабыз, Чаллыда тагын 16 һәм 23 декабрьдә авыл хуҗалыгы ярминкәләре дә узачак. Алар, гадәттәгечә, 3 мәйданчыкта оештырыла: Габдулла Тукай яр буе урамында (“Төзүче” стадионы), Галиәсгар Камал ис. бульварда (Тынычлык һәм Мәскәү проспектлары арасында) һәм Шамил Усманов урамында (Пушкин ур., тукталышыннан алып Вахитов проспектына кадәр).