Татарстанда 2017 елгы шикәр чөгендере уңышыннан 230 мең тоннадан артык шикәр әзерләнде

Татарстанда шикәр чөгендерен эшкәртү дәвам итә. Сезон башыннан алып республиканың шикәр заводларына 2048,8 мең тоннадан артык тонна татлы тамыр кабул ителде, шул исәптән: «Зәй шикәре» ААҖенә – 1239,4 мең тонна, «Буа шикәре» ҖЧҖенә – 557,1 мең тонна, «Нурлат шикәре» ЯАҖенә – 252,3 мең тонна.

Шикәр заводларында барысы 1579,1 мең тонна шикәр чөгендере эшкәртелде, 231,5 мең тонна шикәр әзерләнде, шикәр чыгышы – 14,9 %.

«Зәй шикәре» ААҖендә – 121,5 мең тонна, «Буа шикәре» ҖЧҖендә – 71,3 мең тонна, «Нурлат шикәре» ЯАҖендә 38,6 мең тонна шикәр әзерләнде.