Татарстан Республикасы Яңа Чишмә муниципаль районыннан КФХ башлыгы 200 башка исәпләнгән сыер абзарын реконструкцияләп бетерде
Татарстан Республикасы Яңа Чишмә муниципаль районыннан КФХ башлыгы 200 башка исәпләнгән сыер абзарын реконструкцияләп бетерде. «Электр һәм су үткәрдек, яңа тәрәзәләр, ишекләр куйдык, түбәсен яңадан яптык, эчке эшләрне башкардык, – дип сөйләде фермер. – Бу эшләрне башкарып чыгуда “Татарстан Республикасында яшь фермерларга ярдәм” программасы буенча откан грант акчалары зур ярдәм булды».
Бүгенге көндә крестьян-фермер хуҗалыгында 90 баш сыер бар. Михаил Дегтярев һәркөнне 700 килограммнан артык сөт сата. Яшь фермерга терлек азыгы әзерләүдә Өргәнчә авылыннан КФХ башлыгы Марат Садыйков булышкан.
«Планда – җитештерүне тагын да киңәйтү. Хәзер тагын бер бинаны төзекләндерүгә керештек, анда бозаулар торачак һәм сыерларны бозаулату бүлеге булачак», – дигән мәгълүмат бирде Михаил Дегтярев.