Татарстан Республикасы Министрлыклары Татарстан Республикасы Авыл хуҗалыгы һәм азык-төлек министрлыгы

Татар авыл хуҗалыгы фәнни-тикшеренү институтында РФ яшь галим-генетиклар мәктәбе ачыла

2011 елның 19 сентябре, дүшәмбе

Мәктәпне академик, Россия фәннәр академиясе вице-президенты Александр Жученко җитәкләячәк.

Әлеге укулар яшь галимнәр арасында ясаган фәнни ачышларның дәрәҗәсен үстерү, РФ авыл хуҗалыгының киләчәк үсешенә җирлек тудыру максатыннан оештырыла.

Мәктәпнең Татарстандагы авыл хуҗалыгы фәнни-тикшеренү институтында оештырылуына, биредә молекуляр-генетик юнәлеш буенча ачышлар ясалып, аларның Россиядән дә читтә билгеле булуы сәбәпче булган.

Яшь галим-генетиклар мәктәбе 24-28 октябрь көннәрендә узачак. Әлеге чара кысаларында яшьләрне молекуляр-генетик ачышлар буенча халыкара стандартлар белән таныштырачаклар.

«Татар-информ»

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Авыл хуҗалыгы укучылар күзлегеннән: Шушмабаш мәктәбенең агротехнология классы туган җирне өйрәнүче яшьләрне җыйды

Бүген Татарстан Республикасы Арча муниципаль районы Шушмабаш урта гомуми белем бирү мәктәбенең агротехнология классында Габделхәй Кәримов ис. «Авылым офыклары» II Республика фәнни-гамәли конференциясе узды. Конференциядә укучылар туган җир, игенчелек, терлекчелек темалары буенча фәнни-гамәли эшләрен якладылар.

апрель, 2026 ел

Казан ипподромында Татарстан Республикасында атчылыкны үстерү турында фикер алыштылар

Бүген Казан ипподромында Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров рәислегендә Татарстан Республикасы Атчылык федерациясенең хисап конференциясе узды. Анда шулай ук Казан ипподромы директоры Гияз Идиятуллин, Татарстан Республикасы Атчылык федерациясе башкарма директоры Светлана Каппушева, Татарстан Республикасы авыл хуҗалыгы һәм азык-төлек министры урынбасары Гөлүс Баязитов, шулай ук атлар тотучылар - Татарстан Республикасы Атчылык федерациясе әгъзалары катнашты.

апрель, 2026 ел

Марат Җәббаров Татарстан Рәисе һәм Мисыр Президенты очрашуында катнашты

Татарстан Рәисе Рөстәм Миңнеханов Мисыр Гарәп Республикасы Президенты Абдел Фәттах Ас-Сиси белән очрашты. Очрашуда шулай ук Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров катнашты.

Татарстанда кабат Бөтенроссия аграр диктанты узачак

2026 елның 26 маеннан 30 маена кадәри Россиядә икенче тапкыр Бөтенроссия агродиктанты – агросәнәгать комплексы, авыл территорияләре һәм илнең азык-төлек иминлеге турындагы белемнәрне тикшерү буенча федераль акция узачак. Катнашучыларны һәм мәйданчыкларны теркәү https://агродиктант.рф/ сайтында инде бара. Аны ачу тантанасы Мәскәүдә Авыл хезмәтчәннәре форумы кысаларында «Россия» милли үзәгендә узачак.

ЯҢАЛЫКЛАРГА ЯЗЫЛУ