Татарстан Республикасы Әлки муниципаль районында “Яшь көч” ҖЧҖ хезмәтчәннәре беренчеләрдән булып җир эшкәртүне һәм көзге культуралар чәчүне төгәлләделәр

Татарстан Республикасы Әлки муниципаль районында “Яшь көч” ҖЧҖ хезмәтчәннәре беренчеләрдән булып җир эшкәртүне һәм көзге культуралар чәчүне төгәлләделәр. Көзге җир сөрү 1,2 мең га мәйданда башкарылган, көзге культуралар чәчү – 500 га мәйданда. Бу эшләрдә механизаторлар Петр Фомин, Искәндәр Низамов, Владимир Пастухов һәм Фәнис Гәрәев эшләде.

Татарстан Республикасы буенча бүгенгә туфракны төп эшкәртү 1197,6 мең га (планнан 59%) мәйданда башкарылган, шул исәптән тирәнтен сөрү – 329,9 мең га мәйданда. 70% һәм аннан күбрәк җир республиканың Зәй (86%), Сарман (83%), Әтнә (77%), Балтач (74%), Саба (73%), Актаныш (71%) һәм Биектау (70%) районнарында сөрелгән.