Татарстан Республикасы Теләче муниципаль районыннан КФХ башлыгы казлар, бытбылдыклар һәм ау фазаннары үстерә
Татарстан Республикасы Теләче муниципаль районының Казаклар авылыннан КФХ башлыгы Гөлсинә Габдрахимова кошчылык белән шөгыльләнә. Ул казлар, бытбылдыклар һәм ау фазаннары үстерә.
«Безнең ферма – киң профильле, монда төрле төрдәге кошлар тоту өчен шартлар тудырылган, – дип сөйли КФХ башлыгы. – Бүгенге көндә холмогор токымлы казлар үрчетергә уйлыйбыз. 1500 данәләп йомыркага заказ бирдек, аларны май башында китерәләр».
Монда шулай ук «Кучинский» нәселле кошчылык заводыннан бытбылдык йомыркалары китерергә тиешләр, алар 3 мең данәгә якын. Хуҗалыкта әлегә 160 баш ау фазаны бар.
Гөлсинә Габдрахимова сүзләренә караганда, кошчылык – табышлы бизнес. Кош итенә һәм яшь чебешләргә Татарстанда да, шулай ук Россия Федерациясенең башка төбәкләрендә дә кулланучылар ихтыяҗы зур.