«Туган җир» программасында Татарстанда язгы кыр эшләре башлану турында сөйлиячәкләр

8 июльдән 10 июльгә кадәр Казанда Россия авыл хуҗалыгы өчен мөһим вакыйга – «Агроволга - 2026» халыкара агросәнәгать күргәзмәсе узачак. «Казан Экспо» халыкара күргәзмә үзәге территориясе мәйданчыгында күргәзмә кысаларында масштаблы экспозиция урнаштырылачак һәм эшлекле форум узачак, шулай ук якын тәҗрибә-күрсәтмә кырларында очрашулар булачак.

Бүген Татарстан Рәисе Рөстәм Миңнеханов Брест өлкә башкарма комитеты (Беларусь Республикасы) Рәисе Петр Пархомчик белән очрашты. Очрашуда шулай ук Татарстан Республикасы Премьер-министры урынбасары -Татарстан Республикасы авыл хуҗалыгы һәм азык-төлек министры Марат Җәббаров катнашты.

Татарстан Республикасы Дәүләт Советы комитетларында Хөкүмәт хисабын карау дәвам итә. Республика Министрлар Кабинетының 2025 елгы эшчәнлеге нәтиҗәләре турындагы хисап Экология, табигатьтән файдалану, агросәнәгать һәм азык-төлек сәясәте комитеты белән Комитет каршындагы Эксперт советының уртак утырышында каралды. Моннан тыш, парламентарийлар берничә федераль закон проекты һәм төбәкләрнең инициативалары турында фикер алыштылар. Утырышны Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Нәҗип Хаҗипов үткәрде, утырышта Дәүләт Советы Рәисе вазыйфаларын башкаручы Марат Әхмәтов, Татарстан Республикасы авыл хуҗалыгы һәм азык-төлек министры урынбасары Марсель Мәхмүтов катнаштылар.

Беларусь Республикасы делегациясе эш сәфәре белән Татарстан Республикасына килде. Аны Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров озата йөри.