Республиканың Әлмәт районында авыл хуҗалыгы оешмаларының язгы чәчү кампаниясенә әзерлек мәсьәләләре буенча фикер алыштылар
Татарстан Республикасы Әлмәт муниципаль районының “Чишмә” ҖЧҖ базасында хуҗалыкларның язгы чәчүгә әзерлек мәсьәләләре буенча семинар-киңәшмә узды.
Чарада Татарстан Республикасы авыл хуҗалыгы һәм азык-төлек министрының игенчелек буенча урынбасары Илдус Габдрахманов, район башлыгы Айрат Хәйруллин, авыл хуҗалыгы оешмалары җитәкчеләре, инженерлары һәмагрономнары катнашты.
Семинар-киңәшмәдә катнашучылар машина-трактор паркын, орлык саклау һәмминераль ашламалау саклау складларын карадылар. Хуҗалыкта эшләрнең торышы турында “Чишмә” ҖЧҖ директоры Александр Горохов сөйләде. Ул, быел бөртекле культуралар 650 га мәйданда чәчеләчәк, азык культуралары – 700 га мәйданда, дигән мәгълүмат бирде. «Авыл хуҗалыгы машиналарын ремонтлау төгәлләнде. Чәчүне уңышлы башкарып чыгу өчен без өстәмә рәвештә 3 тырмалау агрегаты һәм чәчкеч сатып алдык, –диде Александр Горохов. – Орлыклар белән 100% тәэмин ителгән, минераль ашламалар җитәрлек күләмдә тупланган».
«Россельхозцентр» ФДБУнең Татарстан Республикасы филиалы җитәкчесе урынбасары Рафис Хәбибуллин катнашучыларга, Әлмәт районында яз коры булырга тора, дип җиткерде. «Игенчеләрнең төп бурычы – туфракта булган дым запасын уңышлы файдаланып калу. Культураларны игү технологиясен куллану таләпләрен үтәү һәм үсемлекләрне яклау чараларын вакытында башкару», – диде ул.
Семинар-киңәшмәнең пленар өлеше Ямаш авылында узды. Район юашлыгы Айрат Хәйруллин авыл хуҗалыгы оешмаларының язгы кыр эшләренә эзерләнүләре турында сөйләде. Аның әйтүенчә, тракторларның, чәчкечләрнең һәм чәчү комплексларының техник әзерлеге 100% тәшкил итә.
«2017 елгы уңышның нәтиҗәсе хуҗалыкларның чәчүгә ничек әзерләнүләренә һәм аны ни дәрәҗәдә сыйфатлы үткәреп чыгуларына бәйле», – дип ассызыклады Айрат Хәйруллин.
Аннары Татарстан Республикасы авыл хуҗалыгы һәм азык-төлек министрының игенчелек буенча урынбасары Илдус Габдрахманов чыгыш ясады. Ул районның тармак эшенә анализ нәтиҗәләре һәм авыл хуҗалыгы җитештерүенең нәтиҗәлелеген артыру мөмкинлекләре турында сөйләде.