Республиканың Чистай районы игенчеләре техниканы язгы чәчүгә әзерлиләр
Татарстан Республикасы Чистай муниципаль районы хуҗалыкларының ремонтлау цехларында һәм остаханәләрендә авыл хуҗалыгы техникасын һәм башка агрегатларны ремонтлау дәвам итә.
“Яуширмә” (Кутлушкино), “Кама аръягы-Агро” (Закамье-Агро), “Чишмә” (Родник)хуҗалыкларында техниканы әзерләү темплары яхшы. Кайбер хуҗалыкларда тракторлар техник яктан хезмәт күрсәтелгәннән соң кырга чыгарга әзер», – дип хәбәр итте район авыл хуҗалыгы һәм азык-төлек идарәсе башлыгы урынбасары Александр Ромадановский.
«Закамье-Агро» ҖЧҖенең механика остаханәсендә слесарь-көйләүчеләр Артур Шәрәфетдинов, Валерий Бударов һәм башка тырыш механизаторлар эшли. Монда тиз һәм имин эшләү өчен бөтен шартлар тудырылган, машина-трактор паркы хезмәткәрләре өчен дә уңайлыклар җитәрлек.
«Техниканы ремонтлауга бик җаваплы карыйбыз, чөнки чәчү кампаниясен кыска срокларда һәм оешкан төстә үткәрергә кирәк бит, – дип сөйли бригада җитәкчесе Радик Ногуманов. – Сабаннарны әзерләдек инде, бүгенге көннәрдә агрегатлаштыру эшләрен башлыйбыз».