Республиканың Сарман районында язгы кыр эшләренә әзерләнәләр

Татарстан Республикасы Сарман муниципаль районы хуҗалыкларында бар куәткә язгы кыр эшләренә әзерләнәләр. Хәзерге вакытта остаханәләрдә сабаннарны, чәчкечләрне һәм культиваторларны агрегатлау эшләре бара. Районда тракторларның техник әзерлеге 97% тәшкил итә, чәчү комплексларыныкы – 95%.

«Кырларга 28 сабан агрегаты чыгачак, – дип сөйли “Нөркәй” агрофирмасы ҖЧҖ директоры урынбасары Хәлил Шәйхразиев. – Бөртекле культуралар чәчүдә 5 чәчү комплексы һәм 9 чәчкеч эшләячәк, шикәр чөгендерен чәчүдә – 9 агрегат. Көзге культураларны һәм күпьеллык үләннәрне тукландыруга 4 ашлама сиптерү агрегаты, 2 “Туман” агрегаты һәм 1 самолет җәлеп ителәчәк. Барлык агрегатлар да механизаторлар тарафыннан комплектланган. Эш ике сменада оештырылачак».