Татарстан Республикасы Әлки муниципаль районыннан Мәхмүтовлар гаиләсе 11 сыер тота

Татарстан Республикасы Әлки муниципаль районының Иске Алпар авылыннан Рәсимә һәм Рәис Мәхмүтовлар үзләренең шәхси хуҗалыгында 11 сыер тоталар.

«Башта безнең бер сыерыбыз бар иде, аннары аларның саны өчкә җитте. Тора-бара тагын таналар сатып алдык. Шулай сыерлар саны арта торды», – дип сөйләде Рәис.

Узган ел алар яңа терлекчелек бинасы төзегәннәр, анда сөтүткәргеч урнаштырганнар, эшне җиңеләйтү өчен башка уңайлыклар керткәннәр. Бу көннәрдә сыерларның бозаулаганын көтәләр.

«Сыерларны аппарат белән савабыз, – ди РәисМәхмүтов. – Сөтне “Молпром” сөт җыючылары килеп ала. Җәйгә сөт күләме артыр дип өметләнәбез».