Татарстанның авыл хуҗалыгы товар җитештерүчеләре 2017 ел уңышы өчен минераль ашламалар сатып алалар
Татарстанда 2017 ел уңышы өчен 190 мең тонна (1 гектарга 65 кг исәбеннән) минеральашлама кирәк булачак.
2016 елның 11 ноябренә республикада 46,9 мең тонна, ягъни 1 гектарга 16,2 кг (көзгечәчүне дә кертеп) минераль ашлама тупланган.
Бүгенге көнгә ашламалар иң күп күләмдә тупланган районнан Тукай муниципаль районын атап китәргә кирәк – тупланган ашлама бер гектарга 49,1 кг туры килә. Аннан кала Сарман районы – бер гектарга 49 кг, Зәй районында – 45 кг, Мөслим районында – 26,7 кг, Әлки районында – 22,1 кг, Нурлат районында – 21,8 кг, Түбән Кама районында – 20,2 кг.
Шул ук вакытта кайбер районнарда минераль ашламалар бик аз күләмдә тупланган, шулар арасынннан: Аксубай районы – бер гектарга - 9,2 кг, Баулы районы – 8,8 кг, Мамадыш районы – 8,6 кг, Чирмешән районы – 8,3 кг, Әгерҗе районы – 6,6 кг, Кама Тамагы районы – 6,3 кг, Бөгелмә районы – 6,1 кг, Яңа Чишмә районы – 5,5 кг.