Республикада 12 ноябрьдә чираттагы авыл хуҗалыгы ярминкәләре узачак

Шимбә көнне, 12 ноябрьдә, Казанда, Чаллыда, шулай ук Зеленодольск муниципаль районының Октябрьский поселогында авыл хуҗалыгы продукциясен сату ярминкәләре узачак.

Казанда ярминкәләр 10 сәүдә мәйданчыгында оештырыла:

– Совет районында ике мәйданчыкта оештырыла: «Казан» агросәнәгать комплексы» ААҖ ярминкә мәйданчыгында (Аграрный ур., 2) һәм Дәрвишләр базары территориясе мәйданчыгында (Дәрвишләр бистәсе, Липатов ур., 7);

– Яңа Савин районында: «Бәхетле» гипермаркеты каршындагы мәйданчыкта (Хөсәен Ямашев пр., 71а);

– Авиатөзелеш районында: «Бәхетле» гипермаркеты каршындагы мәйданчыкта (Ленинград ур., 27);

– Мәскәү районында: Г.Коләхмәтов һәм Восстание урамнары киселешендә (Восстание ур., 83);

– Киров районында ике мәйданчыкта оештырыла: «Җиләкле бистәсе» сәүдә үзәге каршындагы территориядә (Краснококшайский ур., 152/2) һәм Юдино поселогында (Юдино пос., Ильич ур., 1);

– Вахитов районында ике мәйданчыкта оештырыла: Достоевский урамы буенча Чехов базары артындагы мәйданчыкта һәм Кәрим Тинчурин ис. сквер каршындагы мәйданчыкта (Кәрим Тинчурин ур., 13);

– Идел буе районында: «Чулпан» мәдәни үзәге янындагы мәйданчыкта (Җиңү пр., 48а);

Чаллы шәһәрендә ярминкәләр өч сәүдә мәйданчыгында оештырыла: Сарман трактында, Галиәсгар Камал ис. бульварда (Тынычлык һәм Мәскәү проспектлары арасында) һәм «Южный» агросәнәгать паркында.

Моннан тыш, авыл хуҗалыгы ярминкәләре Зеленодольск муниципаль районының Октябрьский поселогында “Яңа Тура” технополисы территориясендә оештырыла.