«Зәй шикәре» агрофирмасында яшь бозаулар өчен 120 башка исәпләнгән абзар төзеделәр

Татарстан Республикасы Зәй муниципаль районы “Зәй шикәре” агрофирмасының Сәвәли терлекчелек комплексында күптән түгел 120 башка исәпләнгән бозаулар абзары ачылды. Монда өч айдан зуррак булган бозаулар тотылачак.

«Абзарда бүлмә температурасы тора – җылылык 25 градуска кадәр җитә, көчле җилләткечләр аркасында корпусларда гел саф һава саклана. Яшь бозауларга җылы су бирелә – моңа суҗылыткычлар урнаштыру нәтиҗәсендә ирешелде. Бозаулар өчен иркен бүлемнәр куелган – бер урынлылар да, шулай ук бозауларны төркемләп тоту өчен дә урыннар каралган. Яшь бозауларны даими рәвештә белгечләр карап тора. Терлекчелек комплексында 29 кеше эшли – бозау караучылар, ветеринария табибы, лаборант, сыер савучылар, терлекчеләр», – дип сөйләде директорның терлекчелек буенча урынбасары Андрей Лаврентьев.

Киләчәктә хуҗалыкта 3 айдан 18 айга кадәрге бозаулар тора торган бүлекчәне ремонтлау планлаштырыла.