10 июньдә онлайн-семинарда июньнең беренче яртысында авыл хуҗалыгы культураларының уңышын булдыру буенча эшләү үзенчәлекләре турында фикер алышачаклар

2016 елның 10 июнендә 14.00 сәгатьтә «Июньнең беренче яртысында авыл хуҗалыгы культураларының уңышын булдыру буенча эшләү үзенчәлекләре» темасына онлайн-семинар узачак. Авыл хуҗалыгы культураларын яклау, яфрак аша үстерү стимуляторлары, макро-һәм микроашламалар белән тукландыру мәсьәләләре хакында фикер алышу булачак.

Әлеге чарада катнашу өчен түбәндәге сылтама буенча КДАУның Югары агрономия мәктәбе сайтына керергә кирәк:  http://consult.kazgau.ru/,  аннары «Онлайн-семинарлар» бүлеге.

Семинар барышында катнашучыларны кызыксындырган сорауларга Татарстан Республикасы Авыл хуҗалыгы һәм азык-төлек министрлыгы һәм Казан дәүләт аграр университеты белгечләре җавап бирәчәк.

Булачак онлайн-семинар темасы буенча сорауларны agroconsult16@mail.ru  электрон адреска алдан җибәрергә дә мөмкин. Аларга җавапларны турыдан-туры семинар вакытында алырга була. Сорауларны шулай ук чара барган вакытта сайтта да бирергә мөмкин.

Төрле темаларга онлайн-семинар һәр җомгада 2016 елның сентябрь ахырына кадәр үткәреләчәк.