Татарстан Республикасы Әлмәт муниципаль районында “Мин – фермер” проекты эшли башлады
Татарстан Республикасы Әлмәт муниципаль районында аның юашлыгы Айрат Хәйруллин кушуы буенча “Мин – фермер” проектына старт бирелде.
Аның максаты – фермер эшен үстерүнең барлык этапларында: ИП, КФХны оештыру вакытыннан алып продукцияне җитештерә башланганчы барлыкка килә торган хаталарны һәм проблемаларны ачыклау. Проектны гамәлгә ашыру барышында “Татарстан Республикасы Әлмәт муниципаль районының Эшкуарлыкны үстерү департаменты” ҖБУ (МБУ), Әлмәт муниципаль районы башкарма комитеты, тикшереп торучы һәм җайга салучы башка дәүләт структуралары белгечләренең эксперт бәяләмәләре һәм киңәшләре биреләчәк.
Яшь фермерга үз эчен ачканда нинди кыенлыкларга очрарга мөмкин булуы, башкарыла торган төрлек процедуралар, документларны рәсмиләштерү үзенчәлекләре турында сөйләячәкләр.
Проект кысаларында Новоникольский авыл җирлеге территориясендә 3000 башка исәпләнгән сарык фермасы төзергә җыюнычы яшь фермер Алексей Заикин белән очрашу булды инде. Аның белән “Татарстан Республикасы Әлмәт муниципаль районының Эшкуарлыкны үстерү департаменты” ҖБУ директоры Сергей Скобельников, Әлмәт муниципаль районы башкарма комитеты җитәкчесенең авыл җирлекләре белән эшләү буенча урынбасары Алексей Грушин очраштылар.
«Бу проект турында мин Эшкуарлыкка ярдәм итү департаментында ишеттем. Минем идеяга килгәндә, мин бу хакта күптән уйлый идем, терлекчелекнең бу юнәлеше белән шөгыльләнүчеләрнең тәҗрибәсен өйрәндем», -дип сөйләде Алексей Заикин.
Теләсә нинди бизнесның планы аның аерылгысыз өлешен тәшкил итә, дип саный ул. Эшкуарны борчый торган төп мәсьәләләр: ферма төзү өчен күпме акча кирәк булачак, бу күпме вакытны ала, хезмәт ресурслары күпме кирәк. «Мин планны уйлый-уйлый ярты елга якын эшләдем. Бу проект буенча башка җирләрдә эшләүчеләр белән дә кызыксындым: мондый фермалар Татарстанда берничә, Санкт-Петербургта бар», - дип, үз фикерләре белән бүлеште фермер.