Татарстан Республикасы Министрлыклары Татарстан Республикасы Авыл хуҗалыгы һәм азык-төлек министрлыгы

«Зәй шикәре» ААҖендә шикәр чөгендерен эшкәртүнең яңа сезонына әзерләнәләр

2016 елның 2 феврале, сишәмбе

Бүгенге көндә заводта план буенча капиталь ремонт һәм агымдагы ел ремонты ясала. Продукт әзерләп чыгарыла торган бүлегендә беренчел продукт өчен өстәмә центрифуга урнаштыру һәм икенчел продукт центрифугасын алыштыру эшләре бара. Цехларны косметик ремонтлау да башкарыла.

Гыйнвар уртасыннан башлап завод хезмәткәрләренең бер өлеше капчыклар тегә, кайберләре әзер продукцияне фасовкалау белән мәшгуль. Декабрьдә шикәр саклау өчен ике зур склад файдалануга тапшырылды, аларда 40 мең тоннага кадәр шикәр саклап була. Меласса саклау өчен резервуар һәм грануллы чөгендер түбе (жом) өчен склад төзү төгәлләнеп килә.

2016 елда монда шикәр чөгендерен эшкәртүнең тәүлеклек күләмнәрен арттыруны һәм шикәр чөгендере кагатларын актив җилләндерү технологиясен файдалануга кертү эшен дәвам итүне планлаштыралар.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Татарстанда “Фермер мәктәбе” проектының 6 агымы чыгарылды

Бүген Казан дәүләт аграр университеты базасында «Фермер мәктәбе» белем бирү проектының алтынчы агымында катнашучыларны бүләкләү тантанасы узды. Чарада Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров, Казан ДАУ ректоры вазыйфаларын вакытлыча башкаручы Илшат Нуриев, Россельхозбанкның Татарстан төбәк филиалы директоры Ләлә Кәдермәтова катнашты.

Казанда авыл хуҗалыгы һәм азык-төлек идарәләре башлыклары өчен укулар узды

Казан дәүләт аграр университетының “Казан ветеринария медицинасы академиясе” институтында Татарстан Республикасы муниципаль районнары авыл хуҗалыгы һәм азык-төлек идарәләре башлыклары өчен булган укулар тәмамланды. Укулар өч көн дәвамында барды, алар барышында идарә башлыклары агросәнәгать комплексында ясалма интеллект технологияләрен, авыл хуҗалыгы культураларын үстерү һәм ашлыкны тирәнтен эшкәртү перспективаларын, үсемлекчелектә инновацион алымнарны, терлекчелектә цифрлы чишелешләрне, шулай ук федераль дәүләт мәгълүмат системаларындагы эшне өйрәнделәр.

Марат Җәббаров «Теләкләр чыршысы» бөтенроссия хәйрия акциясендә катнашты

Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров «Теләкләр чыршысы» бөтенроссия хәйрия акциясендә катнашты.

декабрь, 2025 ел

Марат Җәббаров Татарстан Республикасы Муниципаль берәмлекләр советының XX юбилей съездында катнашты

Бүген Казанда Татарстан Республикасы Муниципаль берәмлекләр советының XX съезды узды. Эштә Татарстан Рәисе Рөстәм Миңнеханов, республика Дәүләт Киңәшчесе Минтимер Шәймиев, Федерация Советының Конституциячел законнар һәм Дәүләт корылышы комитеты рәисе Андрей Клишас, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров, СВО ветераннары - җирле үзидарәнең вәкиллекле органнары депутатлары һәм «Батырлар. Татарстан Геройлары» белем бирү программасында катнашучылар, республиканың барлык 956 муниципаль берәмлегеннән вәкилләр катнашты. Съездда катнашучыларны видеоэлемтә аша Дәүләт Думасының Дәүләт корылышы һәм закон чыгару комитеты рәисе Павел Крашенинников сәламләде.

ЯҢАЛЫКЛАРГА ЯЗЫЛУ