Яңа Чишмә муниципаль районы аграрчылары авыл хуҗалыгы техникасын язгы кыр эшләренә әзерлиләр
Яңа Чишмә муниципаль районы игенчеләре авыл хуҗалыгы машиналарын һәм тракторларны ремонтлау һәм аларны 2016 елгы кыр эшләренә әзерләү белән мәшгуль.
«Безнең районның авыл хуҗалыгы формированиеләрендә 289 трактор, 89 ашлык җыю һәм 20 азык җыю комҗайны бар. комбайнов. Тагын 135 чәчкеч, шул исәптән 13 чәчү комплексы, 127 культиватор, 3900 тырмалау техникасы бар», - дип хәбәр итте район Авыл хуҗалыгы һәм азык-төлек идарәсенең механизация буенча консультанты Алексей Пузиков.
Бүгенге көнгә 389 тырма, 2 культиватор, 1 посевной чәчү комплексы, 19 чәчкеч, 42 трактор ремонтланган.
«Кулон» агрофирмасы» ҖЧҖендә, «Сөт иле» ҖЧҖнең - «Яңа чишмә» филиалында, «Скоков Н.А.», «Козлова М.И.», «Архангельский», «Зубов В.С.» КФХларында, «Игенче» ҖЧҖендә ремонтлау өчен яхшы шартлар тудырылган.
Мәсәлән, «Кулон» агрофирмасы» ҖЧҖ остаханәсендә җылы, якты, ремонтлау бригадасы өчен эретеп ябыштыру, токарь һәм тимерче участоклары бар.
Тимерче Владимир Чванов һәм слесарь Исхак Нәҗипов агрофирмада 11 ел эшлиләр инде, хезмәт һәм түләү шартларына зарланмыйлар.
«Ремонтның сыйфатлы булуы бик мөһим, чөнки яз көне ул агрегатларда үзебезгә эшлисе бит», - диләр алар.Яз көне аларның икесе дә «Нью-Холланд» һәм «Бюллер» тракторларында тырмалауда, чәчүдә, культивацияләүдә эшлиләр. Ә Исхак Нәҗипов «Акрос» комбайнында урып-җыю эшләрендә дә катнаша.
Әлегә бу уңганнарның эш урыны – остаханәдә, аларның бөтен уйлары – тырмаларны һәм башка агрегатларны сыйфатлы итеп ремонтлау.