Татарстанда 10 айда барлык категория хуҗалыклар буенча тулаем продукция күләме 189,4 млрд. сум тәшкил итте

Татарстан Республикасында 2015 елның 10 аенда барлык категория хуҗалыклар буенчатулаем продукция күләме 189,4 млрд. сум тәшкил итте.

Бу хакта бүген Татарстан Республикасы Хөкүмәте Йортында Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов хәбәр итте.

Барлык муниципаль районнар белән видеоконференцэлемтә режимындагы киңәшмәне Татарстан Республикасы Премьер-министры Илдар Халиков үткәрде.

Авыл хуҗалыгы продукциясенең тулаем күләменнән терлекчелеккә 111,7 млрд. сум туры килә,үсемлекчелеккә - 77,7 млрд. сум, дип хәбәр итте Марат Әхмәтов.

Авыл хуҗалыгы формированиеләренең һәм крестьян-фермер хуҗалыкларының 2015 елның 10 аенда акчалата кереме 67,8 млрд. сум тәшкил итә (2014 елның 10 аенда - 57,9 млрд. сум). Шул ук вакытта терлек һәм кош ите сатудан - 27,9 млрд.сум, сөттән - 16,2 млрд. сум, йомыркадан - 2,9 млрд. сум, ашлык сатудан - 10,8 млрд.сум,яшелчәдән 2,2 млрд. сум тәшкил итте.

«Акчалата керемнең артуы, җитештерүнең чыгымлылыгын киметү һәм нәтиҗәлелекне арттыру резервларын ачыклау белән бергә, тармакның финанс нәтиҗәләренә дә уңай йогынты ясый», - диде Марат Әхмәтов.

Татарстан Республикасы Авыл хуҗалыгы һәм азык-төлек министрлыгы башлыгы киңәшмә барышында шулай ук муниципаль районнарның икътисадый күрсәткечләре комплексы буенча рейтингы турында да әйтеп узды(агымдагы бәяләрдә тулаем продукция - 100 га авыл хуҗалыгы җирләренә карата, 1 га чәчүлектән акчалата керем, бер хезмәткәрнең уртача хезмәт хакы, 1 сум акчалата керемгә дәүләт ярдәме, сатудан табышлылык).