Татарстан Республикасы Тукай муниципаль районында авыл хуҗалыгы хезмәткәренең уртача хезмәт хакы 30 мең сум тәшкил итә

Татарстанстат белешмәләреннән күренгәнчә, Татарстан Республикасы икътисады буенча 2015 елның 9 аенда уртача хезмәт хакы 28,6 мең сум тәшкил итә. «Авыл хуҗалыгы» тармагы буенча хезмәт хакының дәрәҗәсе республикада уртача хезмәт хакы дәрәҗәсеннән 56% тәшкил итә.

Авыл хуҗалыгында иң югары хезмәт хакы Татарстан Республикасы Тукай муниципаль районында, анда авыл хезмәтчәннәре үз хезмәтләре өчен уртача 30 мең сум алалар. Ә кайбер предприятиеләрдә хәтта күбрәк тә: мәсәлән, «Чаллы-Бройлер» ҖЧҖтә - 35,6 мең сум, «Камский бекон» ҖЧҖтә - 30,9 мең сум.

Зеленодольск муниципаль районының «Майский» теплица комбинатында бер хезмәткәрнең уртача хезмәтхакы 31,7 мең сум тәшкил итә.

Республиканың түбәндәге хуҗалыкларында да хезмәт хакын югарытехнологияле комплекслар белән бер дәрәҗәдә диярлек түлиләр: Әлки муниципаль районының «Хузангай» АХҖК - 31,4 мең сум, Чүпрәле муниципаль районы «Чынлы» ҖЧҖ - 26,2 мең сум, Лениногорск муниципаль районы «Лениногорский» АФ»ҖЧҖ - 23,4 мең сум, Тәтеш муниципаль районы «Сафиуллов» КФХ - 23,3 мең сум, Әтнә муниципаль районы«Шахтер» ҖЧҖ - 22,1 мең сум, Әтнә муниципаль районы Ленин ис. АХҖК - 21,2 мең сум, Саба муниципаль районы «Мөхәммәтшин» КФХ - 20,7 мең сум, Балтач муниципаль районы «Труд» ҖЧҖ - 20,4 мең сум, Әтнә муниципаль районы «Кушар» АХҖК - 19,6 мең сум, Кукмара муниципаль районы Вахитов ис. АХҖК - 19,1мең сум.