Татарстан Республикасы Алексеевск районының Югары Татар Майнасы авылында шәхси хуҗалык тотучылар токымлы күркәләр үрчетәләр
Татарстан Республикасы Алексеевск районының Югары Татар Майнасы авылында Анатолий һәм Зөлфирә Гурьяновлар зур хуҗалык тоталар. Аларның хуҗалыгында 60күркә, 100 бройлер һәм 5 сыер бар.
Сыерлары нәселле һәм сөтиле. Шулардан Карлыгач исемлесе тәүлеккә 20 литрдан артык сөт бирә. Җыелган барлык сөт сатылып бетә.
Әлеге гаилә күркәләрнең дә токымлыларын үрчетәләр: киң күкрәкле ак күркәләр Бөекбританиядән кайтарылган. Токымының исеме аның төп үзенчәлеген күрсәтеп тора – күркәләрең күкрәге киң һәм алга чыгып тора, бу аларның күкрәк читлегенең нык булуын күрсәтә. Шуңа күрә аларның ите дә сыйфатлы һәм тәмле. Тере килеш аның авырлыгы 14-16 килограммга җитә.
Кошларга һәм терлекләргә ветеринария хезмәте дә вакытында күрсәтелә, чөнки Анатолий Гурьянов үзе Биләр ветеринария бүлекчәсенә җитәкчелек итә.
Бу гаилә ирешелгәннәрдә тукталып калырга җыенмый: алар киләчәктә гаилә фермасы төзүне планлаштыралар.