Министрлыкта ел йомгаклары буенча Коррупциягә каршы көрәш комиссиясе утырышы узды

2025 елның 26 декабре, җомга

Бүген Министрлыкта 2025 ел йомгаклары буенча Коррупциягә каршы көрәш комиссиясе утырышы узды. Утырышны Татарстан Республикасы авыл хуҗалыгы һәм азык-төлек министры урынбасары Марсель Мәхмүтов ачты.

Комиссия утырышында аның 2025 елгы эшенә йомгаклар ясалды һәм киләсе елга эш планы билгеләнде. 

Катнашучылар шулай ук дәүләт граждан хезмәткәрләре тарафыннан керемнәр, чыгымнар, мөлкәт һәм мөлкәти характердагы йөкләмәләр турында белешмәләр бирүнең чираттагы чоры турында да фикер алыштылар. Кадрлар бүлегенә 2026 елның февралендә аларны тапшыру мәсьәләләре буенча семинар оештырырга тәкъдим ителде.