Татарстан Республикасы Авыл хуҗалыгы һәм азык-төлек министрлыгы шәхси ярдәмче хуҗалыклардан чыгымнар өлешен каплауга гаризалар кабул итү турында игълан итә
Татарстан Республикасы Авыл хуҗалыгы һәм азык-төлек министрлыгы түбәндәге ике юнәлеш буенча чыгымнар өлешен каплауга шәхси ярдәмче хуҗалык алып баручы гражданнардан 2025 елның 28 ноябреннән 8 декабренә кадәр гаризалар кабул итү турында игълан итә:
- товар өчен һәм нәселле таналар, бер мәртәбә бозаулаган яшь сыерлар сатып алуга - 80 мең сум һәм 90 мең сум исәбеннән;
- яшь кош-корт (каз, үрдәк, күркә, бройлер чебиләр) сатып алуга субсидия ставкасы: бер күркә өчен - 200 сум; бер казга - 200 сум; бер үрдәккә - 120 сум; бер бройлер чебиенә - 100 сум.
Документлар “Мои субсидии” системасы аша электрон рәвештә кабул ителә.
Мәгълүматны төгәлләштерү өчен контактлар: Галимҗанова Рамилә Риф кызы 8(843) 221-76-88 (8801).
Кече хуҗалыклар субъектларына ярдәм «Нәтиҗәле һәм конкурентлы икътисад» илкүләм проекты максатларына туры килә.