Казан ДАУ: бюджет урыннарына документлар кабул итү тәмамланырга санаулы көннәр калды!
Татарстан Республикасы Авыл хуҗалыгы һәм азык-төлек министрлыгы абитуриентларга Казан дәүләт аграр университетына керү сынауларыннан башка гына укырга керү өчен документлар кабул итүнең тиздән тәмамлануы турында искә төшерә. Булачак белгечләрнең 25 июльгә кадәр бюджет урыннарына гариза бирү мөмкинлеге бар, бу, укырга максатчан алуны да кертеп, агросәнәгать комплексында уңышлы карьера өчен ышанычлы трамплин булып тора.
Максатчан уку - ул укырга керү генә түгел, бу сезнең киләчәккә инвестиция! Бу - укырга керүгә, укуны тәмамлагач эшкә урнашуга югары шанс, укыганда ук АПКның алдынгы предприятиеләрендә стажировка һәм практика узу мөмкинлеге, шулай ук эш бирүчедән өстәмә стипендия алу. Моннан тыш, студентлар бөтен уңайлыклары булган тулай торакта яшәү һәм ташламалы туклану белән тәэмин ителә.
Казан дәүләт аграр университеты ветеринария һәм җир өсте транспорт-технологик чаралары буенча белгечлектән алып агрономия, зоотехния, икътисад һәм башка бик күп кирәкле белгечлекләр буенча бакалавриатка кадәр әзерлек юнәлешләренең киң спектрын тәкъдим итә. Шулай ук магистратура һәм аспирантура программалары да бар.
Тармакта агросәнәгать комплексының кадрлар тотрыклылыгын булдыру өчен квалификацияле белгечләр белән тәэмин итү буенча Татарстан Республикасында «Азык-төлек иминлеген технологик тәэмин итү» илкүләм проектының «АПКда кадрлар» федераль проекты гамәлгә ашырыла.
Казан дәүләт аграр университетының зур һәм тату гаиләсенә эләгү мөмкинлеген кулдан очкындырмагыз! Әзерлек юнәлешләре, керү шартлары һәм кирәкле документлар турында тулырак мәгълүматны сез университет сайтында таба аласыз:/ / kazangau. taplink. ws/. Барлык сораулар буенча кабул итү комиссиясенә мөрәҗәгать итегез, анда сезгә квалификацияле ярдәм күрсәтәчәкләр һәм үзегезне кызыксындырган сорауларга җаваплар ишетә алачаксыз, тел.: 8 (843) 598-40-48(доб. 706) һәм 8 (960) 056-76-67.