Татарстанлылар Икенче авыл хезмәтчәннәре форумының пленар утырышында катнаштылар
Федерация Советында Федерация Советы Рәисе Валентина Матвиенко Икенче авыл хезмәтчәннәре форумының пленар утырышын уздырды. Анда Татарстан Республикасы Авыл хуҗалыгы һәм азык-төлек министрлыгы вәкилләре катнашты.
Утырыш кысаларында «Авыл территорияләрен комплекслы үстерү» дәүләт программасын гамәлгә ашыруның барышы, сәламәтлек саклау, мәгариф һәм мәдәният инфраструктурасын үстерү мәсьәләләре турында фикер алыштылар.
Соңгы елларда Россия авыллары үсешенә игътибар объектив рәвештә артты. Мәктәпләр һәм балалар бакчалары, мәдәният йортлары, медицина һәм спорт объектлары төзелә һәм реконструкцияләнә. Бу хакта Валентина Матвиенко пленар утырышта әйтеп узды.
Безнең алда уртак бурыч тора – авыл территорияләрендә яшәүнең югары стандартларын тәэмин итү һәм үз-үзеңне күрсәтү өчен тиешле мөмкинлекләр булдыру, дип белдерде Федерация Советы спикеры. “Без Президентыбыз тарафыннан билгеләнгән илкүләм үсеш максатларының авыл һәм шәһәр максатларына бүленмәвеннән чыгып эш итәбез. Димәк, аларга ирешү, шул исәптән авылларда да, – хакимиятнең барлык дәрәҗәләре һәм тармакларының - Россия Хөкүмәтеннән һәм Федераль Собраниедән алып Федерация субъектларының һәм җирле үзидарәләрнең хакимият органнарына кадәр - турыдан-туры бурычы ул.
Авыл хезмәтчәннәре белән ел саен үткәрелә торган традицион очрашулар Бөтенроссия форумы статусын алды, бу фикер алышу өчен темалар исемлеген киңәйтергә, яңа форматлар кертергә мөмкинлек бирде, дип билгеләп үтте Валентина Матвиенко. Форум кысаларында «Россия авылы: бүген һәм киләчәктә» стратегик сессиясе, күп кенә тематик «түгәрәк өстәлләр» планлаштырылган.
Чараларның яңа статусы кабул ителә торган карарларның сыйфатын яхшыртырга мөмкинлек бирде, диде Федерация Советы спикеры. «Узган форум тәкъдимнәре нигезендә фермер продукциясен сатуга ярдәм итүгә, авылда дару препаратларыннан файдалану мөмкинлеген арттыруга юнәлдерелгән федераль законнар хупланды, башка практик чаралар да гамәлгә ашырылды», - дип әйтте ул.
Россия авылларына ярдәм итүдә «Авыл территорияләрен комплекслы үстерү» дәүләт программасы төп рольне уйнавын дәвам итә, дип ассызыклады Валентина Матвиенко. “Ул Россиядә иң уңышлы дәүләт программаларының берсе - 2024 елда аның нәтиҗәлелеге 100%ка үтәлде. Программа инде илнең 40% авыл халкы яши торган 12 меңгә якын торак пунктын үз эченә ала. Федерация Советы ел саен программаны финанслауны арттыруга ирешә. Барлык объектив кыенлыкларга да карамастан, Хөкүмәттә сенаторлар позициясенә, димәк, авыл хезмәтчәннәре тәкъдимнәренә колак салалар. Быелгы бюджет циклы да искәрмә булмады”, - диде Федерация Советы спикеры. Ул вице-премьер Дмитрий Патрушев җитәкчелегендәге Хөкүмәт блогына даими ярдәмнәре өчен рәхмәт белдерде.
Демографик вәзгыятьне яхшырту - һичшиксез, Россия Дәүләтенең өстенлеге булып тора, дип саный Валентина Матвиенко. “Дәүләт башлыгы карары буенча Президент каршындагы дәүләт демографик һәм гаилә сәясәтен гамәлгә ашыру буенча Совет төзелде. Бүген нәкъ менә авыл территорияләренең илнең демографик лидерлары булуын мин рәхәтләнеп билгеләп үтәм. Авылларда туучылар саны шәһәрләрдәгегә караганда 16%ка югарырак”.
Бу тенденцияне хупларга кирәк, ди ФС спикеры. “Аерым алганда, яшь гаиләләр авылга күченеп яшәсен өчен шартлар тудырырга кирәк. Моның өчен аларга үз торакларын булдыру мөмкинлеген тәэмин итү мөһим”. Әмма шул ук вакытта, күп авыл кешеләре авыл ипотекасыннан файдалана алмый, дип белдерде югары палата башлыгы. “Әйдәгез, бюджет мөмкинлекләрен исәпкә алып, бу инструментны ничек төзеп бетерү турында бергәләшәп уйлашыйк”, - дигән тәкъдим кертте югары палата башлыгы.
Кадрлар белән тәэмин итү проблемасы аерым игътибарга лаек, дип саный ФС спикеры. “Авыл хуҗалыгы хезмәткәрләренә, медикларга, укытучыларга, мәдәният хезмәткәрләренә, спорт тренерларына ихтыяҗ зур. Әлеге проблеманы хәл итүгә «АПКда кадрлар» федераль проекты чаралары да, шулай ук «авыл программалары» дип атала торган программалар да юнәлдерелгән.
Дәүләт башлыгы кушуы буенча «Авыл докторы», «Авыл фельдшеры», «Авыл укытучысы» программаларының гамәлдә булуы 2030 елга кадәр озайтылды, дип искәртте Федерация Советы Рәисе. Быел аларга «Авыл мәдәният хезмәткәре» программасы да өстәлде, аның идеясе авыл халкы белән очрашуларда беренче тапкыр яңгырады. Бәлки, бу инструментларны тагын да киңрәк тарату дөрес булыр – спортка, почтага, кадрлар кытлыгы күзәтелгән авылларның башка өлкәләренә һәм аспектларына, дип фикер йөртә ФС спикеры.
Валентина Матвиенко махсус хәрби операциядә катнашучыларга ярдәм итү темасына аерым тукталды, чөнки аларның күбесе – Россия авыллары кешеләре. “Аларның һәркайсын эшкә урнаштыру, укыту, квалификацияләрен күтәрү, аларны хакимият органнарына, башка барлык мөһим өлкәләргә актив эшкә җәлеп итү мәсьәләләренә игътибар итәргә кирәк”.
Быелдан башлап запаска җибәрелгән махсус операция ветераннары авыл хуҗалыгында эшкуарлык эшчәнлеген башлау өчен «Агромотиватор» грантын алырга мөмкин, диде ФС спикеры. “Мондый программалар күбрәк булырга тиеш, - дип саныйм. - Авылга хезмәт сөючән, ышанычлы ир-атларны - безнең заманның чын геройларын җәлеп итү өчен бу бик мөһим ресурс».
Авылны цифрлаштыру процессын төгәлләү бик мөһим, дип ассызыклады ФС спикеры. “Яшьләр тотрыклы мобиль элемтә һәм Интернет булмаган авылга яшәргә бармыйлар. Федерация Советы бу тема буенча Цифрлы үсеш һәм массакүләм коммуникацияләр министрлыгы белән актив хезмәттәшлек итә. Инде 2030 елга 100 кешедән торган барлык торак пунктлар югары тизлекле Интернет белән тәэмин ителер дип өметләнәбез. Бу заман таләбе”.
Форумда авыл хезмәтчәннәре тарафыннан парламентарийларга, министрлыкларга, губернаторларга бирелә торган «өй эшләре» үтәлешен төбәкләр палатасы аерым контрольдә тота, дип ассызыклады Федерация Советы башлыгы. Инде үтәлгән конкрет карарлар арасыннан түбәндәгеләрне әйтергә була: Коми Республикасының Айкино авылында төзекләндерелгән мәдәният йорты ачылды, Хакасия Республикасының Боград авылында поликлиникасы белән бергә район хастаханәсе төзелде, Запорожье өлкәсенең Орлово авылында 62нче мәктәпне капиталь ремонтлауга акча бирелде. “Һәм мондый мисалларны шактый күп китерергә була. Бүгенге утырыш нәтиҗәләре буенча профильле ведомстволар һәм төбәк хакимият органнары яңа йөкләмәләр алачак”, - дип, ышанычлы итеп әйтте Валентина Матвиенко.