Республикада бөртекле культуралар 345,8 мең гектарда суктырылган

2013 елның 31 июленә алынган оператив мәгълүматлар буенча Татарстанда бөртекле культуралар 345,8 мең гектарда суктырылган, бу планның 21 % дигән сүз. Арыш – 66 %, бодай  мәйданның - 59 %,  арпа  - 6 %, ә борчак  - 45 % башкарылган.

ТР буенча уртача уңыш - гектардан 20,3 центнер тәшкил итә. Азнакай (29,5 ц/га) һәм Буа һәм Әлки (26,3 ц/га) муниципаль районнарында әлеге күрсәткечләр югары.

Алдагы кышка 570,9 мең т печән һәм 2035,4 мең т сенаж тупланган. Сенаж хәзерләүдә Арча районы лидер, биредә 108,6 мең т. Азга гына Актаныш районы калыша, биредә бу күрсәткеч – 98,8 мең т тәшкил итә.

Шартлыча бер баш терлеккә 14,1 ц терлек азыгы җитештерелгән. Кайбыч районында әлеге күрсәткечләр (17,8ц), Буа (17,7 ц), Лаеш (17,2 ц), Азнакай (16,9ц) һәм Питрәч (16,8 ц) районнары да алдынгылар рәтендә.

Тулырак мәгълүмат белән биредә таныша аласыз.