Татарстан Республикасында терлек һәм кош-корт сату буенча аналитика
Татарстан Республикасы сугым өчен тере үлчәмдә терлек һәм кош-корт сату буенча Россиядә 6 нчы урында тора.
Татарстан Республикасында 2022 елның гыйнвар-сентябрь айларында барлык категориядәге хуҗалыкларда сугым өчен терлек һәм кош-корт җитештерү күләме (тере үлчәмдә) 355,6 мең тонна тәшкил итте, бу 2021 елның гыйнвар-сентябрь айлары белән чагыштырганда 4,2 мең тоннага кимрәк.
Җитештерүнең кимү сәбәбе – авыл хуҗалыгы хайваннары санының кимүе белән аңлатыла.
2022 елның 1 октябренә Татарстан Республикасында терлек һәм кош-корт сату (җибәрү) 2021 елның шул ук чорына карата - 99,9% һәм 2017-2021 елларның уртача күрсәткеченә карата 105,6% тәшкил итте.
Терлек һәм кош-корт сату структурасында кош-корт иң зур өлешне алып тора - 51%, мөгезле эре терлек - 25%, дуңгызлар - 24%.
Татарстан Республикасының 20 районында терлек һәм кош-корт сату (җибәрү) күрсәткече 2021 ел дәрәҗәсеннән артып китә, 23 районда - 2017-2021 еллардагы уртача дәрәҗәдә.
Түбәндәге ТОП-5 район төбәктә иң күп терлек һәм кош-корт саткан районнар:
· Тукай районы - 34,9%
· Актаныш районы - 8,7%
· Питрәч районы - 8,4%
· Зеленодольск районы - 8,4%
· Буа районы - 5,4%.
2022 елның 1 октябренә иң аз күләмдә терлек һәм кош-корт саткан районнар түбәндәгеләр:
- Чирмешән районы
- Бөгелмә районы
- Спас районы
- Кама Тамагы районы
- Әлмәт районы
- Баулы районы
- Югары Ослан районы.
2022 елның гыйнвар-сентябрь айларында авыл хуҗалыгы оешмаларыннан ит комбинатларына иң күп терлек җибәргән районнар түбәндәгеләр:
- Зеленодольск районы
- Саба районы
- Мамадыш районы
- Арча районы
- Азнакай районы.
2022 елның гыйнвар-сентябрь айларында нәселле терлек сату Кукмара, Әтнә, Балтач, Саба, Арча районнарында арткан.
Татарстан Республикасы районнарында терлек һәм кош-корт буенча тулырак статистика - яңа дайджестта (https://new.agropoliya.ru/analytics/digest/skot) «Аналитика» бүлегендә.