Республикада зарарлы бөҗәкләргә каршы 388,0 мең гектар җир эшкәртелгән

2013 елның 13 июненә алынган мәгълүмат буенча республика кырларында зарарлы бөҗәкләргә каршы 388,0 мең гектар  мәйданда җир (25%) эшкәртелгән.

Шулай ук республикада чүп үләннәренә каршы 1417,4 мең гектар җир эшкәртелгән, планның 73 процентын тәшкил итә. Чәчүлекләрне тәрбияләү эшләре буенча Сарман районы беренчелекне бирми – 73,5 мең гектар (88%), азга гына Нурлат районы калыша, алар – 66,1 мең гектар (92%) мәйданда башкарган.

Республикада чәчүлекләрне төрле авыруларга каршы зарарсызландыру дәвам итә. Бүгенге көндә планның 15 % үтәлгән, ягъни 172,7 мең гектар мәйданда эшләр башкарылган.