Марат Әхмәтов Азнакай, Мөслим һәм Сарман районнарында язгы кыр эшләре барышы белән танышты

ТР Премьер-министры урынбасары – авыл хуҗалыгы һәм азык-төлек министры Марат Әхмәтов Азнакай, Мөслим һәм Сарман муниципаль  районнарында язгы кыр эшләре барышы белән танышты.

Министр эш сәфәрен Азнакай районыннан башлады. Марат Әхмәтов муниципаль район башлыгы Марсель Шәйдуллин озатуында, вертолеттан иген кырларындагы эш барышын карап узды һәм “Марс” хуҗалыгы басуында авыл хуҗалыгы предприятиеләре җитәкчеләре, ветераннар һәм хуҗалыкларга район үзәгеннән беркетелгән җаваплы җитәкчеләр белән очрашты. Шулай ук Марат Әхмәтов  районда төзелеп килүче мега-ферма белән танышты, төзүчеләр белән эшлекле сөйләшү алып барды.

Төзүчеләр яңа технологияләр, уңайлыклар хакында сөйләгәндә ул: “Нинди генә яңа технологияләр булмасын, кеше факторы турында онытмаска кирәк. Иң беренче чиратта хезмәт кешесенең уңайлыклары турында кайгырту мөһим”, – диде. Мега-фермада быелдан башлап акрынлап савым сыерларның бер төркеме белән эшне башлап җибәрү планлаштырыла. Ул шулай ук гаилә фермаларына да игътибарны арттырырга кирәклеген ассызыклады.

Чираттагы тукталыш Мөс​лим​ районында  булды. Марат Әхмәтов кыр эшләренең ба​ры​шы бе​лән та​ныш​ты, ху​җа​лык җи​тәк​че​лә​ре, авыл җир​лек​лә​ре баш​лык​ла​ры бе​лән оч​раш​ты.

Ба​су​лар​ны вер​то​лет​тан ка​рап әй​лән​гән​нән соң Ма​рат Әх​мә​тов аг​рар көл​ли​ят би​лә​мә​лә​рен​дә тук​тал​ды. Би​ре​дә ул янә​шә ур​наш​кан көз​ге бо​дай һәм ар​па җир​лә​рен ка​ра​ды. «Яз явым​лы кил​де, ди​сәк тә, туф​рак​та дым чәч​рәп тор​мый, - ди​де ул. – Бил​ге​ле, ар​па та​мы​ры дым ар​тын​нан ас​ка ки​тә. Шу​лада дым сак​лау ча​ра​ла​ры кү​рү ко​ма​чау ит​мәс».

Ул вер​то​лет​тан күр​гән​нә​ре бе​лән, ае​ру​ча «Нөр​кәй» аг​ро​фир​ма​сы басуларыннан ка​нә​гать бу​лу​ын әйт​те. Аг​рар көл​ли​ят ба​су​ла​ры​на да әй​бәт бәя бир​де. 

Ра​йон​да чә​чү эш​лә​ре бар​лык мәй​дан​нар​ның 84 % баш​ка​рыл​ган. Үсем​лек​ләр​не чүп үлән​нә​ре​нә, корт​кыч бө​җәк​ләр​гә кар​шы эш​кәр​тү​ләр ба​ра.

Сарман районында Марат Әхмәтов шулай ук «Рос​сель​хоз​центр»​ның ра​йон бү​лек​чә​сенең  яңа лабораториясе белән дә танышты һәм “ЭнергоХимСервис” җәмгыятенең  спутник мониторингы системасының эшчәнлеге белән кызыксынды.

Оператив мәгълүматлар буенча Сарман районында язгы кыр эшләре 81% башкарылган. Арпа – 12,2 мең га, бодай – 23,1 мең га һәм борчак – 0,4 мең га да чәчелгән.