Татарстан компанияләре аграр өлкә өчен үз эшләнмәләрен Kazan Digital Week-2020 халыкара форумына чыгаралар
Kazan Digital Week-2020 халыкара форумы 21-24 сентябрьдә уза. Бер виртуаль мәйданчыкта дөньяның 30 иленнән 6 меңнән артык катнашучы җыелды. Форум Россия Федерациясе һәм Татарстан хөкүмәтләре ярдәмендә үткәрелә.
Форум спикерлары арасында - Россия Федерациясе Хөкүмәте Рәисе урынбасарлары Дмитрий Чернышенко һәм Марат Хөснуллин, Татарстан Республикасы Президенты Рөстәм Миңнеханов, Россия Федерациясе Үзәк банкы рәисенең беренче урынбасары Ольга Скоробогатова, «Сколково» фонды рәисе Аркадий Дворкович, Евразия Эйден У төбәгендә "Huawei" компаниясе президенты һәм башкалар бар.
Татарстан Республикасы Авыл хуҗалыгы һәм азык-төлек министрлыгы ярдәме белән виртуаль күргәзмәдә Татарстанның агросәнәгать секторы өчен цифрлы эшләнмәләрдә махсуслашкан өч компаниясе - "Казансельмаш", "РИВЦ" АҖ һәм "Евротехнологияләр" ДК катнаша.
"Казансельмаш" аграрийларның эшен автоматлаштырырга һәм җиңеләйтергә ярдәм итә торган борт электроникасы, параллель машина йөртү системалары, электр һәм гидравлик көйләү җайланмалары эшен күрсәтәчәк.
"Республика мәгълүмат-исәпләү үзәге" АҖ аграрийлар өчен Агрополиянең мәгълүмат платформасында авыл хуҗалыгы эшчәнлегенең барлык үзенчәлекләрен реаль вакыт режимында өйрәнергә мөмкин булган дистанцион уку тәкъдим итәчәк.
"Евротехнологияләр" дәүләт корпорациясе механик чәчкечләрдә чәчүне контрольдә тоту системасын җитештерүне һәм гамәлгә ашыруны, шулай ук авыл хуҗалыгы предприятиеләренең бизнес-аналитикасын күрсәтәчәк.
Экспозицияләр белән танышу өчен теркәлү узарга кирәк
Дүрт көн дәвамында форумның онлайн-мәйданчыгында Россиянең һәм дөньяның югары технологияләр өлкәсендәге әйдәүче экспертлары ИТ-технологияләрне үстерүнең иң актуаль мәсьәләләре турында фикер алышачак. Аерым алганда, интеллектуаль транспорт системалары, ситуацион үзәкләр, бүгенге көннең киберкуркынычсызлыгы, инновацияләр, бизнеска интеграцияләнгән финтех экосистемасы мәсьәләләре каралачак. Kazan Digital Week кысаларында панель дискуссияләр һәм түгәрәк өстәлләр, күргәзмәләр, техник турлар, нетворкинг-клуб узачак.
Моннан тыш, форум узган көннәрдә DIGITAL SUPERHERO марафонының финал онлайн-хакатоны узачак. Ярышта катнашучылар арасында Санкт – Петербург, Мәскәү, Владикавказ, Нальчик, Новосибирск, Самара һәм башка төбәкләрдән вәекилләр бар. Эшләнмәләр командалары суперсервисларга һәм дәүләт хезмәтләре күрсәтүгә бәйле биремнәрне чишәләр.