Рөстәм Миңнеханов Росагролизинг башлыгы белән хезмәттәшлек мәсьәләләре хакында фикер алышты
Бүген Татарстан Республикасы Президенты Рөстәм Миңнеханов «Росагролизинг» АҖ генераль директоры Павел Косов белән очрашты. Очрашу Татарстан Республикасы Хөкүмәте Йортында узды, анда Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров катнашты.
Яклар Татарстан белән «Росагролизинг» АҖ арасында, шул исәптән авыл хуҗалыгы предприятиеләре өчен ташламалы лизинг программаларын гамәлгә ашыру, фермерларга ярдәм итү, азык-төлек һәм эшкәртү сәнәгате өчен җиһазлар китерү мәсьәләләре хакында фикер алыштылар.
Исегезгә төшерәбез, Татарстанның Лаеш районында 2 июльдән 4 июльгә кадәр «Татарстанда кыр көне - 2020» агротехнология күргәзмәсе уза. Экспозициядә авыл хуҗалыгы техникасы һәм җайланмалары, үсемлекчелек һәм агротехнологияләр яңалыклары күрсәтелә.