ТР Авыл хуҗалыгы һәм азык-төлек министрлыгы “Иң яхшы белгеч” дип аталучы бәйге игълан итә
Татарстан Республикасы Авыл хуҗалыгы һәм азык-төлек министрлыгы “Агросәнәгать өлкәсендә эшләүче иң яхшы белгеч” дип аталучы бәйге игълан итә. Конкурсның максаты - авыл хуҗалыгы өлкәсендә хезмәт итүчеләрнең һөнәрен популярлаштыру.
Бәйгедә авыл хуҗалыгы тармагында эшләүче агрономнар, инженер-механиклар, зоотехниклар, мал табиблары, экономист, бухгалтерлар катнаша ала. Республика буенча конкурста җиңүчеләр 500 белгеч 100 мең сум күләмендә грантка лаек булачак.
Конкурсның шартлары буенча, хезмәткәрнең үз белгечлеге буенча эш стажы 3 елдан да ким булмаска, югары, тәмамланмаган югары, яки урта һөнәри белеме, яхшы эш күрсәткечләре булырга тиеш.
Бәйгедә канашу өчен гаризаны 2013 елның 1 октябреннән дә соңга калмыйча тапшырырга кирәк. 1 октябрьдән 15 декабрьгә кадәр конкурсның сайлап алу туры үтәчәк һәм җиңүчеләрнең исемнәре билегеле булачак.
Бәйгенең шартлары белән тулырак биредә таныша аласыз.