Район хәбәрләре: Буа районында 2019 елда 5 млрд. сумнан артык авыл хуҗалыгы продукциясе җитештерәләр
4 декабрьдә Татарстанның Буа районында авыл хуҗалыгы җитештерүе алдынгыларын котладылар. Тантаналы чарада Татарстан Республикасы авыл хуҗалыгы һәм азык-төлек министры урынбасары Ленар Гарипов катнашты.
Бәйрәм залына җыелган авыл хезмәтчәннәрен, агросәнәгать җитештерхе алдынгыларын, мәртәбәле кунакларны, тармак ветераннарын Буа районы башлыгы вазыйфаларын башкаручы Рәнис Камартдинов котлады: «Буа муниципаль районы авыл хуҗалыгы җитештерүе буенча Татарстан Республикасында алдынгы урыннарны биләп тора – ул иң яхшы аграр районнар бишлегенә керә һәм республикада ит, сөт, ашлык, шикәр чөгендере җитештерү буенча иң уңышлы районнарның берсе. Быелгы ел безнең районның ныклыгын тагын бер кат күрсәтте. Иң уңайсыз һава торышы шартларында да район игенчеләре 177 мең тоннадан артык ашлык җыеп алдылар, бер гектардан уртача уңыш 34,4 центнер булды, 348 мең тонна шикзр чөгендере алдылар, уңдырышлылык - бер гектардан 394 центнер, җитәкрлек күләмдә коры һәм сусыл азык әзерләнде. 2019 елга башлангыч йомгаклар буенча 5 млрд 259 млн сумлык авыл хуҗалыгы продукциясен җитештерү күздә тотыла. Шул исәптән игенчелектә - 2 млрд. 553 млн сумлык һәм терлекчелектә - 2 млрд. 706 млн сумлык.
Көнгә тулаем савым 81,1 тонна тәшкил итә, бу, узган ел белән чагыштырганда, 9%ка күбрәк. Бер сыердан уртача 12,9 кг сөт савыла.
Район терлекчләренең уңышы да сизелерлек. Терлекчелеккә бу елның 11 аена ясалган йомгаклардан күренгәнчә, районда эре мөгезле терлекләр саны - 22929 баш, дуңгызлар – 77804 баш.
Сөт 29941 тонна җитештерелгән, бу 2018 елның шушы чорына караганда 2125 тоннага күбрәк (108%), 1 сыердан уртача савым - 4724 кг. Ит 18563 тонна җитештерелгән, бу 2018 елның шушы чорына караганда 460 тоннага күбрәк (103%)» - дип сөйләде Рәнис Рәфис улы.
Ленар Гарипов шулай ук үз чыгышында район эшчәнлеген уңай бәяләде, авыл хуҗалыгы җитештерүе хезмәткәрләренә фидакарь хезмәтләре өчен рәхмәт белдерде. Агросәнәгать комплексы алдынгыларына дәүләт бүләкләре, Татарстан Республикасы Авыл хуҗалыгы һәм азык-төлек министрлыгының Мактау грамоталарын һәм “Иң яхшы комбайнчы - 2019” республика конкурсында җиңүчеләргә премияләр тапшырдылар.