Мөслим районында роботлаштырылган сөтчелек комплексын төзүгә беренче ташны салдылар
Бүген Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Татарстан Мөслим районында эш сәфәре белән булды.
Биредә Марат Җәббаров район башлыгы Рамил Муллин белән бергә АО «ПК «Агромастер» ПК” АҖенең, промышленного парка ООО «Август-Мөслим» ҖЧҖ агросәнәгать комплексының эше белән танышты, Шангараев Д.М. КФХсының кошчылык комплексында булды.
Аннары вице-премьер “Август-Мөслим” ҖЧҖенең төрлекчелек комплексын төзүгә беренче ташны салу тантанасында катнашты. Компания Татарстанда 2400 баш савым сыеры өчен яңа «кросс-вентиляция» технологиясе белән роботлаштырылган сөтчелек комплексын төзи башлады. Төзелешнең беренче чираты 1200 башка исәпләнгән, аны файдалануга кертү 2020 елның III кварталына планлаштырыла, инвестиция күләме 1 млрд. 100 млн. сум тәшкил итәчәк. «Киләсе елның көзендә Минзәлә районында да шундый ук сөтчелек комплексын төзү башланачак», - диделәр компаниядә.
Марат Җәббаров компаниягә төзелешне уңышлы тәмамлау буенча үзенең теләкләрен җиткерде. «Сөтчелек комплексын ачу районда терлекчелек күрсәткечләре һәм сөт җитештерү үсеше өчен этәргеч булачак», - диде министр. Чара азагында ул шулай ук Мөслим районының авыл хуҗалыгы җитештерүчеләре белән аралашты.