Республика терлекчеләре Нурлат зонасына семина-киңәшмәгә җыелды
Бүген ТР Нурлат районының “Агро-Развитие” ҖЧҖ базасында ТР авыл хуҗалыгы һәм азык-төлек министры урынбасары Нәҗип Хаҗипов катнашында зона семинар-киңәшмәсе үтте.
Нәҗип Хаҗипов үз чыгышында агымдагы елның 8 аена терлекчелек тармагы йомгаклары белән таныштырды. Аерым алганда, кош итен җитештерүдә 15 процентка үсеш күзәтелгән. Шулай ук терлек үрчетү буенча да күрсәткечләр яхшырган.
Семинар-киңәшмәдә сөт җитештерү буенча дөнья стандартлары дәрәҗәсендә савым көтүлегенең продуктлылыгына ия булган хуҗалыклар әйтеп үтелде. Мәсәлән, Арча районының “Ак Барс-Агро” ҖЧҖ, Чүпрәле районының “Цильна” ҖЧҖ, Кукмара районының “Урал” авыл хуҗалыгы җитештерү кооперативы.
Шулай ук киңшмә барышында эшкәртү сәнәгате продуктларын куллану, терлекләрне сыйфатлы азык белән тәэмин итү һ.б. сораулар кузгатылды.