Татарстан Республикасы Министрлыклары Татарстан Республикасы Авыл хуҗалыгы һәм азык-төлек министрлыгы

Республика аграрийлары 1 миллион тоннадан артык терлек азыгы әзерләгән

2012 елның 13 августы, дүшәмбе

Татарстанда терлек азыгы әзерләү дәвам итә. 13 нче августка бирелгән оператив мәгълүматлар буенча, республика хуҗалыкларында 460,7 мең тонна печән, 2533,9 мең тонна сенаж, 173,1 мең тонна силос әзерләнгән.

Шартлыча 1 баш терлеккә 17,1 центнер берәмлегендә терлек азыгы туры килә. Гомумән алганда, республика аграрийлары 1061,1 мең тонна терлек азыгы әзерләгән.

Алабуга, Тәтеш, Кукмара, Лаеш, Биектау районнарында шартлыча 1 баш терлеккә 18,5 центнер берәмлегеннән артыграк терлек азыгы туры килә.

Яшел массаны сенажга салу буенча Арча, Әлки, Кукмара, Актаныш, Балтач районы хуҗалыклары алдынгылар сафында.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Татарстанда «Авыл территорияләрен комплекслы үстерү» дәүләт программасы буенча яңа «Идея» яшьләр үзәге ачылды

Бүген Татарстан Республикасы Балык Бистәсе муниципаль районында «Авыл территорияләрен комплекслы үстерү» дәүләт программасы буенча яңа «Идея» яшьләр үзәге ачылды. Ачылышта Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы яшьләр эшләре министры Азат Кадыйров, Татарстан Республикасы Балык Бистәсе муниципаль районы башлыгы Радик Исламов катнашты.

Татарстанда авыл хуҗалыгы ярминкәләренә 1,5 млрд сумга якын авыл хуҗалыгы продукциясе китерелгән

Республикада авыл хуҗалыгы ярминкәләре дәвам итә. Узган ялларда татарстанлылар Казанда, Чаллыда, Зеленодольскида, Түбән Камада һәм Кама Аланында оештырылган сәүдә мәйданчыкларындагы авыл хуҗалыгы ярминкәләрендә булдылар. Алар республика районнары, агрохолдинглар һәм җирле фермерлар үзләре җитештергән тәмле һәм сыйфатлы авыл хуҗалыгы продукциясен алып килгәннәр иде.

декабрь, 2025 ел

Татарстанда “Фермер мәктәбе” проектының 6 агымы чыгарылды

Бүген Казан дәүләт аграр университеты базасында «Фермер мәктәбе» белем бирү проектының алтынчы агымында катнашучыларны бүләкләү тантанасы узды. Чарада Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров, Казан ДАУ ректоры вазыйфаларын вакытлыча башкаручы Илшат Нуриев, Россельхозбанкның Татарстан төбәк филиалы директоры Ләлә Кәдермәтова катнашты.

Казанда авыл хуҗалыгы һәм азык-төлек идарәләре башлыклары өчен укулар узды

Казан дәүләт аграр университетының “Казан ветеринария медицинасы академиясе” институтында Татарстан Республикасы муниципаль районнары авыл хуҗалыгы һәм азык-төлек идарәләре башлыклары өчен булган укулар тәмамланды. Укулар өч көн дәвамында барды, алар барышында идарә башлыклары агросәнәгать комплексында ясалма интеллект технологияләрен, авыл хуҗалыгы культураларын үстерү һәм ашлыкны тирәнтен эшкәртү перспективаларын, үсемлекчелектә инновацион алымнарны, терлекчелектә цифрлы чишелешләрне, шулай ук федераль дәүләт мәгълүмат системаларындагы эшне өйрәнделәр.

ЯҢАЛЫКЛАРГА ЯЗЫЛУ