Татарстан Республикасы Министрлыклары Татарстан Республикасы Авыл хуҗалыгы һәм азык-төлек министрлыгы

Кыр батыры – Арчадан Расих Нәҗметдинов

2012 елның 3 августы, җомга

Арча районы “Игенче” агрофирмасының комбайнерлары ел саен алдынгылар рәтендә. Быел исә әлеге дәрәҗәле исемне Рәсих Нәҗметдинов йөртә. Урак башыннан “Клаас Тукано” комбайнында ул улы Фаяз белән 1051 тонна ашлык суктырган.

Расих Нәҗметдинов Наласа авылында туган. Урта мәктәптә бик әйбәт укый. Шунда ук механизатор таныклыгы алып чыга, туган авылында тракторчы булып хезмәт юлын башлый. Армия сафларында хезмәт итеп кайткач ындыр табагы мөдире, ферма мөдире кебек җаваплы вазифалар башкара. Менә уникенче ел инде комбайнда. Һәр елны яхшы нәтиҗәләргә ирешә.

Бүгенге көндә ул хатыны Миләүшә белән өч малай, бер кыз үстерәләр.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Татарстанда «Авыл территорияләрен комплекслы үстерү» дәүләт программасы буенча яңа «Идея» яшьләр үзәге ачылды

Бүген Татарстан Республикасы Балык Бистәсе муниципаль районында «Авыл территорияләрен комплекслы үстерү» дәүләт программасы буенча яңа «Идея» яшьләр үзәге ачылды. Ачылышта Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров, Татарстан Республикасы яшьләр эшләре министры Азат Кадыйров, Татарстан Республикасы Балык Бистәсе муниципаль районы башлыгы Радик Исламов катнашты.

Татарстанда авыл хуҗалыгы ярминкәләренә 1,5 млрд сумга якын авыл хуҗалыгы продукциясе китерелгән

Республикада авыл хуҗалыгы ярминкәләре дәвам итә. Узган ялларда татарстанлылар Казанда, Чаллыда, Зеленодольскида, Түбән Камада һәм Кама Аланында оештырылган сәүдә мәйданчыкларындагы авыл хуҗалыгы ярминкәләрендә булдылар. Алар республика районнары, агрохолдинглар һәм җирле фермерлар үзләре җитештергән тәмле һәм сыйфатлы авыл хуҗалыгы продукциясен алып килгәннәр иде.

декабрь, 2025 ел

Татарстанда “Фермер мәктәбе” проектының 6 агымы чыгарылды

Бүген Казан дәүләт аграр университеты базасында «Фермер мәктәбе» белем бирү проектының алтынчы агымында катнашучыларны бүләкләү тантанасы узды. Чарада Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров, Казан ДАУ ректоры вазыйфаларын вакытлыча башкаручы Илшат Нуриев, Россельхозбанкның Татарстан төбәк филиалы директоры Ләлә Кәдермәтова катнашты.

Казанда авыл хуҗалыгы һәм азык-төлек идарәләре башлыклары өчен укулар узды

Казан дәүләт аграр университетының “Казан ветеринария медицинасы академиясе” институтында Татарстан Республикасы муниципаль районнары авыл хуҗалыгы һәм азык-төлек идарәләре башлыклары өчен булган укулар тәмамланды. Укулар өч көн дәвамында барды, алар барышында идарә башлыклары агросәнәгать комплексында ясалма интеллект технологияләрен, авыл хуҗалыгы культураларын үстерү һәм ашлыкны тирәнтен эшкәртү перспективаларын, үсемлекчелектә инновацион алымнарны, терлекчелектә цифрлы чишелешләрне, шулай ук федераль дәүләт мәгълүмат системаларындагы эшне өйрәнделәр.

ЯҢАЛЫКЛАРГА ЯЗЫЛУ