Республикада авыл хуҗалыгы продукциясен кулай бәяләрдән сату буенча язгы ярминкәләр узды
Шимбә көнне Казанда һәм Чаллыда Татарстан Республикасы Авыл хуҗалыгы һәм азык-төлек министрлыгы һәм шәһәрләрнең башкарма комитетлары тарафыннан оештырылган авыл хуҗалыгы ярминкәләре узды. Продуктларны һәм товарларны республиканың төрле районнарыннан авыл хуҗалыгы товар җитештерүчеләре, шулай ук АПК предприятиеләре җитештерүчеләре, фермерлар, умартачылар алып килде. Язгы ярминкәдә беренче мәртәбә Идел буе районы мәйданчыкларына үз продукциясен «Үзәк» СПСПСК алып килгән. Сәүдә мәйданчыкларына авылларга йөри торган автолавкалар да килгән.
Гадәттәгечә, ярминкә мәйданчыкларында сәүдә беренче кояш нурлары белән үк гөрләп эшли башлады. Сатып алучыларның да күбесе иртәнге сәгать алтыга ук килә. Ярминкәләргә аеруча олырак яшьтәгеләр күп йөри. Авыл хуҗалыгы ярминкәләренә шәһәр халкы, бигрәк тә өлкәнрәк буын аеруча яратып йөри. Биредә кулай бәяләрдән барлык продукцияне - ит, балык, сөт, май, бал, казылык, йомырка, бәрәңге, җиләк-җимеш, сыр, шикәр, он, ярмалар һәм башка төр продуктларны сатып алырга мөмкин. Шулай ук хәләл продукция дә бар. Яңгырлы көнгә дә карамастан, сатып алучылар хәтта чиратка басканнар иде. Өлкәннәрне кайнар чәй, пешкән камыр ризыклары һәм коймак белән сыйладылар.
Ярминкәләрне Татарстан Республикасы авыл хуҗалыгы һәм азык-төлек министры урынбасарлары һәм АПК бүлекчәләре җитәкчеләре, Министрлык белгечләре йөреп чыктылар. Алар китерелгән продукциянең ассортименты һәм аларның бәяләре белән таныштылар. Барлык продукция ветеринария хезмәте тикшерүен узган.
Сатып алучыларның күбесе бүген дә сумкаларын тутырып, ярминкәне оештыручыларга рәхмәт әйтеп киттеләр. Фермерлар да үз продукциясен сату мөмкинлеге чыгуга сөенгәннәр. «Кешеләр өчен яхшылык эшләп, аларны сөендерү - бу бик мөһим», - дип сөйлиләр оештыручылар. Алар рәхмәткә лаек, чөнки иртә таңнан алар сәүдә мәйданында фермерларны каршы алалар, палаткалар коралар, бәяләрне эләләр һәм сатып алучылар килгәнче башка барлык мәсьәләләрне хәл итәргә тырышалар.
Ярминкәләр оештыру бик мәшәкатьле эш. Әмма, мондый социаль әһәмиятле чараларны оештыру эше дәвам итәчәк.
Алдагы шимбә көнне дә сатып алучыларны авыл хуҗалыгы ярминкәләрендә көтәбез!