Татарстанның 3 районы чүп үләннәренә каршы саклау чараларын төгәлләде

2012 нче елның 18 нче июненә алынган оператив мәгълүматлар буенча, Татарстанда чүп үләннәренә каршы 1,9 миллион гектарга якын чәчүлек җире эшкәртелгән, бу планлаштырылган мәйданның 76 % тәшкил итә. Узган елда бу вакытка якынча 1,4 миллион гектар җир эшкәртелгән (59%).

Үсемлекләрне чүп үләннәреннән саклау чараларын Актаныш, Чистай, Менделлеевски районы аграрийлары төгәлләгән. Кырларның 90 проценттан артыгы Арча (98 %), Алексеевски (95%), Баулы (91%) районнарында эшкәртелгән.

Шулай ук язгы культуралар чәчелгән кырларда корткычларга каршы эш алып барыла. Саклау чаралары 579 меңгә якын гектар мәйданда яки фаразланганның 45 процентында башкарылган.  Нурлат (88 %), Алексеевски (84%), Кама Тамагы (82%) районнары хезмәтчәннәре югары темпларны саклый.

Шул ук вакытта республиканың 35 районында чәчүлекләрне төрле авыруларга каршы эшкәрәләр. Бүгенге көндә 137 мең гектар мәйданда эш башкарылган, бу планның 12 процентын тәшкил итә.