«Яңа эш башлаучы фермер» интеллектуаль уенының II этабына теркәлү башланды
Татарстанда Татарстан Республикасының мәктәп укучылары, югары һәм һөнәри белем бирү учреждениеләре арасында «Яңа эш башлаучы фермер» интеллектуаль уенының I этабы тәмамланды. Ул Татарстан Республикасы Авыл хуҗалыгы һәм азык-төлек министрлыгының йомгаклау коллегиясе һәм агросәнәгать комплексы күргәзмәсе Татарстан Республикасы Авыл хуҗалыгы һәм азык-төлек министрлыгы һәм “Казан дәүләт аграр университеты” югары һөнәри белем бирү ФДБМУ ярдәмендә "Россия авыл яшьләре берлеге"нең Татарстан төбәк бүлекчәсе тарафыннан үткәрелде. Аның максаты – укучыларда бизнес күнекмәләрен булдыру – авыл хуҗалыгын планлаштыруга, мәгълүмат туплауга һәм анализлауга, идарәчел карарлар эшләүгә һәм командада эшләргә өйрәтү.
«Яңа эш башлаучы фермер» интеллектуаль уенынында 24 проект белән 100дән артык кеше катнашты. Яшьләр үз бизнес-идеяларын тәкъдир иттеләр, бизнес-планлаштыру, менеджмент, Россия Федерациясе Авыл хуҗалыгы министрлыгы программалары буенча бер-берләренә сораулар бирделәр, кейслар чиштеләр - тәкъдим ителгән бәхәсле вәзгыятьләрдә законнар нигезендә карарлар кабул иттеләр, эксперт жюриының сорауларына җаваплар бирделәр.
Гомуми белем бирү учреждениеләре укучылары арасында I этап йомгаклары буенча урыннар түбәндәгечә бүленде:
1 урын – Югары Ослан муниципаль районының «Матюшино УБМ (СОШ)» МБМУ командасы, «Агротехнологик юнәлештәге урта мәктәп базасында укыту-фермерлык буенча кече хуҗалык оештыру» проекты белән;
2 урын – Мамадыш муниципаль районының «Красногорск УБМ (СОШ)» МБМУ командасы, «Бәрәңге үстерү» проекты белән;
3 урын - Арча муниципаль районының «Шушмабаш УБМ (СОШ)» МБМУ командасы, «Трое из ларца» (Өчәү бер кибеттә) авыл хуҗалыгы кулланучылар кооперативы (СПОК) проекты белән.
Һөнәри белем бирү учреждениеләрендә укучылар арасында:
1 урын - «Саба аграр көллияте» ДАҺБУ студентлары, «Саба-Ягодный рай» (Саба - Җиләкле җәннәт) КФХ проекты белән;
2 урын - «Тәтеш авыл хуҗалыгы техникумы» ДАҺБУ студентлары, Golden Greens КФХ;
3 урын - «Кукмара аграр көллияте» ДАҺБУ студентлары, «Терлекләр өчен гидропон яшел азык үстерү һәм сату» проекты белән.
Югары белем бирү учреждениеләрендә укучылар арасында:
1 урын – Бытбылдык йомыркасы һәм ите алу өчен бройлер тибындагы бытбылдыклар үрчетү буенча «Техас» фермасы проекты (Н.Э. Бауман ис. Казан ДВМА);
2 урын - «BioMilk@ КФХында сөт җитештерү һәм агротуризм проекты (Н.Э. Бауман ис. Казан ДВМА);
3 урын – Рапс җитештерү һәм эшкәртү буенча инвестиция проектының бизнес-планы (Казан ДАУ).
Беренче этаптагы барлык конкурсларны җиңеп чыгучылар икенче (читтән торып) этапка узалар.
Җиңүче командаларга алга таба катнашу өчен теркәлергә һәм үз эшләрен (презентацияне, бизнес-планны, реклама плакатын, видеога сылтамаларны һ.б.ларны) һәм команда турындагы мәгълүматны шәхси кабинет аша урнаштырырга кирәк.
Эксперт советы эшләрне түбәндәге критерийлар буенча бәяләячәк:
— чынбарлык, нәтиҗәлелек, максатка ярашлылык;
— җирлеккә географик бәйлелек;
— инвестицияләр җәлеп итү һәм акланыш сроклары;
— ресурсларны комплекслы файдалану;
— икътисадый һәм юридик нигезләү.
Һәр критерий 5-баллы шкала буенча бәяләнә. Иң күп балл җыйган эшләр авторлары арасында «Яңа эш башлаучы фермер» интеллектуаль уенының III этабына - үз проектларын Эксперт советы каршында турыдан-туры яклауга чакырылалар.
Теркәлүне түбәндәге сылтама буенча узарга мөмкин: https://rssm.su/account/register/