Татарстан Республикасы Арча муниципаль районында терлек азыгы әзерләү мәсьәләләре хакында фикер алыштылар
Татарстан Республикасы Арча муниципаль районының “Казанка” агрофирмасы” ҖЧҖ базасында терлек азыгы әзерләү мәсьәләләре буенча семинар-киңәшмә узды. Чарада районның Авыл хуҗалыгы һәм азык-төлек идарәсе, ГБУ «Арча район дәүләт ветеринария берләшмәсе” ДБУ белгечләре, авыл хуҗалыгы оешмалары җитәкчеләре һәм белгечләре катнашты.
Семинар-киңәшмә барышында азык әзерләү техникасының төзеклеге, аны имин файдалану мәсьәләләре, терлекләр өчен сыйфатлы азык – печән, сенаж һәм силос әзерләү үзенчәлекләре каралды.
Чарада катнашучылар шулай ук «Казанка» АФ” ҖЧҖендә техниканың эшкә әзерлеге белән таныштылар. Барысы 30лап машина күрсәтүгә куелган иде, болар: «Полесье» азык җыю комбайны, чапкычлар; печән әйләндерү, пресслап җыю агрегатлары һ.б.лар.