«Ивашкино урта белем мәктәбе» МБМУендә майның беренче ункөнлегеннән соң томат һәм болгар борычы үсентеләрен сата башлыйлар
«Ивашкино урта белем мәктәбе» МБМУендә майның беренче ункөнлегеннән соң томат һәм болгар борычы үсентеләрен сата башлыйлар. «Быел без эшкуар Альберт Латыйпов белән килешү төзедек: ул безне томат һәм болгар борычы орлыклары белән тәэмин итте, аннары үсентеләрен дә сатарга булышачак, – дип сөйләде мәктәп директоры Юрий Апалаев. – Район халкы өчен дә үсентеләр бар».
Мәктәп яны кишәрлеге мәйданы ике гектардан артык. «Быел яшелчә культураларө өчен мәйданны зурайтмыкчы булабыз, 10 соткада - суган, 16 соткада бәрәңге үстерүне планлаштырабыз, – дип сөйләде биология һәм химия укытучысы Татьяна Данилова. – Мәктәп яны кишәрлегендә тулы бер команда эшли. Яшелчә, җиләк-җимеш – укучылар өчен меню төрләндерүдә зур ярдәм. Җитештерелгән продукциянең артыгын халыкка сатабыз, авыл хуҗалыгы ярминкәләрендә катнашабыз».